web counter
LEXO PA REKLAMA!

SHKARKO APP

App Store
Google Play

E fundit!

x

Andi Përmeti tregon qarkun ku do kandidojë/ Bindja Demokratike do marrë 10 mandate

29 Shtator 2020, 16:31, Politikë CNA

Deputeti Andi Përmeti, deklaroi se Partia Bindja Demokratike në të cilën ai bën pjesë do të marrë 10 mandate në zgjedhjet e ardhshme.

Përmeti tregoi se vetë do të kandidojë për deputet në qarkun e Korçës.

“Nuk ka parti që largohesh nga zgjedhjet. Bindja Demokratike unë jam për 10 mandate. Tiranë. Unë do kandidoj në Korçë. Do ta kisha kënaqësi ta kisha Salianjin përballë, por është dy orë e gjysmë larg nga Korça”, u shpreh ai në Report Tv.

Deputeti kritikoi kryeministrin Edi Rama dhe kryetarin e opozitës Lulzim Basha si dhe deklaroi se do të kandidojë i vetëm me listat e hapura.

“Doja të thoja që kjo opozitë është paragjykuar, arriti të sjellë disa ndryshime kushtetuese. Beteja jonë nuk doli kaq e kotë. Përditshmëria jonë solli detyrimin e PS për të bërë ndryshime kushtetuese. Edhe kjo e paragjykuara e punës tënde mund të ndikojë. Drafti im ka të bëjë vetëm me listat e hapura. Unë kam paragjykuar këdo që domosdoshmërisht që ka dashur të më përfshijë tek Basha apo Rama. A kam mundësi që të mos shqetësohem nga këta? A ka mundësi që të mos i shërbej asnjërit prej tyre? Nëse dikush e quan përdorim draftin tim e ka gabim. Unë jam produkt i listave të mbyllura. Unë me lista të hapura kërkoj vetëm të drejtën të garojë. Unë nuk e kam vendin e sigurt në parlamentin e ardhshëm. Në këtë aspekt unë jam në të drejtën time morale”, nënvizoi Përmeti./ CNA.al





Lajmet e fundit nga