web counter
LEXO PA REKLAMA!

SHKARKO APP

App Store
Google Play

Parashikimi për rrebeshe dhe përmbytje/ Prefektura e Shkodrës këshilla qytetarëve: Shmangni lëvizjet

24 Shtator 2020, 19:16, Sociale CNA

Instituti i Gjeoshkencave, Energjisë, Ujit dhe Mjedisit (IGJEUM) ka parashikuar se duke filluar që sonte dhe për 5-së ditët në vazhdim do të ketë reshje intensive në veri dhe veri-lindje të vendit, të cilat do të mund të bëhen shkak për përmbytje në këto zona.

Nisur nga ky parashikim, Prefektura e Shkodrës ka bërë thirrje të forta për qytetarët që të marrin masat paraprake dhe të jenë të përgatitur për çdo situatë emergjente të mundshme.

Prefektura ka dhënë disa këshilla për lëvizjen me automjete, ndonëse pretendon se kanë marrë të gjitha masat e duhura për të patur në gatishmëri strukturat për të përballuar situatën nga përmbytjet.

?Nëse jetoni në një zonë të rrezikuar ose që ka shumë mundësi për tu përmbytur informohuni duke telefonuar në numrat e emergjencës 128 , 119, 112. Shmangni lëvizjet dhe qarkullimin me makinë në rrugë të prekura nga përmbytjet sepse uji mund t?ju bllokojë makinën.

Nëse makina ju bllokohet nga uji, dilni nga makina dhe largohuni menjëherë në një vend më të lartë. Në asnjë çast mos pini ujë nga çezma pasi mund të jetë burim infeksioni?, thuhet në deklaratë.

Më tej, theksohet se: ?Në vijim të këtij komunikimi ju bëjmë me dije se janë marrë masat për të njoftuar komunitetet pranë zonave të rriskut në territorin e Qarkut Shkodër duke i urdhëruar të shkëmbejnë informacion pranë strukturave bashkiake dhe qendrore, për parandalimin e situatës emergjente.

Në këto kushte dhe në zbatim të planit të masave është urdhëruar të njoftohen të gjithë kryetarët e Njësive Administrative si dhe të koordinohet puna me të gjithë strukturat reaguese në nivel bashkive për monitorimin e situatës së pritshme.

Kërko ndihmë:

Shërbimi i Urgjencës 126

Shërbimi i Policisë së Shtetit 129

Shërbimi i Zjarrfikësve 128

Shërbimi i Policisë Rrugore 127?./ CNA.al





Lajmet e fundit nga