web counter
LEXO PA REKLAMA!

SHKARKO APP

E fundit!

x

Mond Çekiçi nuk zë mend/ Arrestohet anëtari i Bandës së Durrësit

24 Shtator 2020, 18:04, Kronika CNA

Policia ka kapur sot me armë pa leje Edmond Koçin, anëtarin e bandës së Durrësit, ose thënë ndryshe anëtarin e bandës së Lul Berishës.

Mësohet se Koçi, i njohur ndryshe si Mond Çekiçi ka rënë në prangat e policisë pasi është pikasur duke qarkulluar me armë pa leje.

Kujtojmë se kjo nuk është hera e parë që Mond Çekiçi bie në prangat e policisë, pasi ai është kapur edhe në dhjetor të vitit 2008 dhe është dënuar me dy vite burg për armëmbajtje pa leje.

Blutë asokohe njoftuan se ai kishte tentuar të qëllonte mbi specialët RENEA në momentin e arrestimit, por efektivët e bllokuan menjëherë.

Forcat e policisë i sekuestruan në cilësinë e provës materiale pistoletën me 9 fishekë, me të cilën Koçi tentoi të qëllojë forcat speciale./ CNA.al





Lajmet e fundit nga