web counter
LEXO PA REKLAMA!

SHKARKO APP

App Store
Google Play

“Nuk ka alternativë më të mirë se ne”/ Rama thumbon opozitën: Di vetëm rrugën e humbjes, nuk na stimulon

1 Shtator 2020, 16:25, Politikë CNA

Kryeministri Edi Rama ka thumbuar opozitën pak momente më parë gjatë fjalës së tij përpara grupit parlamentar të PS-së.

Rama tha se sot shqiptarët nuk kanë një alternativë më të mirë se PS-në, ndërsa tha me bindje se të gjhithë e dinë këtë shumë mirë.

Po e nis nga vetja dhe jo pa qëllim publikisht me zë të lartë, që kam priviligjenin të drejtoj shtëpinë tonë të përbashkët. A jam unë kryeministri më i mirë që mund të jem për ta, po ju jeni deputetët më të mirë që mund të kenë qytetarët? A është kjo që kemi bërë më e mira? Shqiptarët sot nuk e kanë një alternativë më të mirë, se sa unë dhe sa ju, këtë ata e dinë. Shumica e tyre nuk e diskuton, por kjo nuk më mjafton fare dhe atyre jo e jo?, u shpreh Rama.

Më tej ai deklaroi se opozita nuk i stimulon që të bëhen më të mirë dhe e quajti atë humbës.

?Unë nuk do të them sot asnjë fjalë për kundërshtarët e mundshëm. Sa më shumë të shohim nga ata aq më pak kërkojmë nga vetja. Ata më mirë se çdo gjë tjetër dinë të gjejnë rrugën e humbjes. Dhe në këtë aspëkt ata janë një fatkeqësi jo thjeshtë për veten, por edhe për ne se nuk na stimulojnë të përmirësohemi më shumë dhe më shpejt dhe nuk stimulojnë as opinionin publik për të kërkuar më shumë, më tej?, theksoi kreu i qeverisë./ CNA.al





Lajmet e fundit nga