Listat e hapura përmbysin kandidatët e LSI/ Emrat sipas qarqeve

1 Shtator 2020, 14:49, Politikë CNA

Partitë politike po bëhen gati për të finalizuar listat e kandidatëve, pra për të llogaritur cilët marrin më shumë dhe ku i maksimalizojnë votat.

Debati në strukturat e brendshme të partive për listat dhe ndarja e tyre nëpër zona ka influencën më të lartë për të shtuar sa më shumë vota. Kështu sistemimi zgjedhor i cili ka lista të hapura, por 30% e saj do të jetë e mbyllur, pra partitë mund të shkojnë nga 70-100% të listës së hapur. Kjo ka filluar të krijojë problematika dhe debate midis palëve, por përtej saj po ndodh një përmbysje me kandidatët e partive.

Aktualisht LSI, ka deleguar si kandidatë në qarqe disa emra kryesorë të partisë:

Elona Guri në qarkun Berat,

Endrit Brahimllarin në qarkun Korçë,

Monika Kryemadhi dhe Kejdi Mehmetaj në Fier

Nasip Naço dhe Bahri Shaqiri në qarkun Durrës

Edmond Haxhinasti në qarkun Elbasan,

Luan Rama në qarkun Vlorë,

Petrit Vasili dhe Florida Kërpaçi në qarkun Tiranë,

Agron Çela në qarkun Shkodër,

Përparim Spahiu në qarkun Dibër,

Vangjel Tavo në qarkun Gjirokastër

Viktor Tushe në qarkun Lezhë, ish kryebashkiaku i qytetit, ndërkohë që në Kukës ende nuk ka një emër.

Këto janë emrat që LSI kishte deri në këto momente si ë deleguar në qarqe por edhe si kandidatë potencialë, nëqoftë se do të qendrohej me sistemin e vjetër zgjedhor. Por me hapjen e listave duket se ka filluar të ketë problematika, një përmbysje mund të ndodhë shumë shpejt, jo vetëm për LSI por edhe për partitë e tjera.

Kjo për faktin se shumë nga emrat mund të marrin në zonat e tjera më shumë vota sesa marrin aktualisht në qarqet e vendosura ose mund të zgjidhet fakti që LSI mund të kandidojë me një listë pjesërishtë të mbyllur, pra të vendosë disa emra në krye dhe të tjerët i vendos në radhë.

Përshembull po marrim një rast konkret, a do të merrte Petrit Vasili vota në Tiranë më shumë sesa vetë Monika Kryemadhi apo vetë Luan Rama, a do të merrte më shumë vota Florida Kërpaçi se vetë Monika apo Kejdi Mehmetaj në Tiranë? Prandaj mesa duket debati për listat e hapura të plota apo pjesërisht të hapura duket se mund të çojë në një përmbysje të kandidatëve të LSI, thanë burime zyrtare për CNA.al.