LEXO PA REKLAMA!

SHKARKO APP

Zbulohen detaje të reja nga skandali i makinës 100 milionëshe të Sandër Lleshajt

31 Gusht 2020, 09:18, Politikë CNA

Dy ditë më parë CNA.al ka publikuar skandalin në lidhje me blerjen e një mjeti 100 milionësh, për Oficerin e Kontaktit në Gjermani, pra ambasadën tonë në Berlin, dhe më pas mjeti ka ardhur në Tiranë.

Më poshtë foto e mjetit, me targa gjermane, i parkuar në oborrin e Policisë së Shtetit.

Por më pas mjeti në fjalë është targuar me targa shqiptare dhe përdoret nga ministri i Brendshëm, Sandër Lleshaj. (Lexo këtu)

Më poshtë po sjellim edhe foton e dytë të mjetit, të targuar me targa shqiptare, në Ministrinë e Brendshme.

Dje, CNA.al raportoi se përgjatë zhvillimit të proçedurës së blerjes së këtij mjeti ka pasur debate të forta në Policinë e Shtetit. Aida Hajnaj,  ish-nëndrejtoresha e Përgjithshme e policisë së Shtetit, e cila sot mban postin e Drejtores së Byrosë Kombëtare të Hetimit, e ka kundërshtuar si procedurë. (Lexo këtu). Por, nuk është e vetmja.

Ambasada dhe Ministria e Jashtme

Ka qënë edhe Ambasada Shqiptare në Berlin dhe ministria e Jashtme, të cilat kanë kundërshtuar blerjen e këtij mjeti, për shkak të proçedurës që do të ndiqej dhe për shkak të faktit se mjeti do të blihej për në ambasadë, por në fakt ai do të merrej dhe do të përdorej nga ministri i Brendshëm.

Ambasada e ka kundërshtuar këtë procedurë, të blerjes së këtij mjeti, pasi dukej si një shkelje ligjore, por edhe për faktin tjetër se mjete të tilla luksoze nuk disponohen nga ambasada jonë dhe është një vlerë mjaft e madhe dhe tepër abuzive.

Pa përmendur këtu faktin se mjeti do të blihej për llogari të Ambasadës dhe do të vinte në Shqipëri për t?u mbajtur nga Ministri i Brendshëm, ndërkohë që ligji e ndalon kategorikisht ç?regjistrimin e mjetit dhe targimin e tij.

Pra, një mjet që blihet për llogari të një institucioni, i cili ushtron aktivitetin e tij në territor të huaj duhet të mbajë targa diplomatike, ose targa të atij vendi.

Pra, në rastin konkret BMW luksoze e blerë për llogari të Oficerit të Kontaktit, por që përdoret nga Sandër Lleshaj, do të duhej të targohej me targa sipas rregullave dhe ligjeve të shtetit gjerman, dhe nuk lejohet zhdoganimi apo vendosja e targave shqiptare.

Por, Policia e Shtetit për të zbatuar urdhërin dhe kërkesat luksoze të ministrit, mjetin e ka sjellë në Tiranë me targa gjermane dhe më pas është gjetur proçedura dhe hapësirat ligjore për t?u targuar me targa shqiptare, siç e keni parë në foton më sipër, për t?u përdorur nga Sandër Lleshaj.

CNA.al i është drejtuar zyrtarisht për informacione edhe Policisë së Shtetit edhe Drejtorisë së Përgjithshme të Transportit Rrugor, në lidhje me hapat e ndjekura. Pra proçedurën ligjore për blerjen e mjetit si dhe mënyrën e targimit të tij, pasi ka dyshime të arsyeshme se jo vetëm mund të jetë shkelur ligji për blerjen e këtij mjeti apo procedurat e ndjekura për targimin, por mund të ketë edhe falsifikim dokumentash apo edhe targa fallco./ CNA.al

Ekskluzive-Sandër Lleshaj dhe Ardi Veliu kapen në mega-skandal/ Si u ?përvetësua? makina 100 milionëshe

Makina 100 milionëshe e Sandër Lleshajt/ Thellohet skandali për blerjen e mjetit nga policia

Lajmet e fundit nga