web counter
LEXO PA REKLAMA!

SHKARKO APP

App Store
Google Play

E fundit!

x

Kina njofton se ka gati vaksinën anti-Covid/ "E kaloi provën e biosigurisë"

6 Gusht 2020, 20:22, Lifestyle CNA

Një mostër e vaksinës ka rezultuar efektive dhe është miratuar nga ekipi shkencor qeveritar i Kinës.

Media shtetërore kineze shkroi sot se vaksina joaktive COVID-19 në Pekin e ka kaluar me sukses inspektimin e biosigurisë dhe është kualifikuar për t?u përdorur, sipas Grupit Kombëtar Biotec të Kinës (CNBG).

Interesant është fakti se pas daljes së vaksinës në Wuhan është ngritur një fabrikë e dytë farmaceutike, për të prodhuar me qindra milionë të tjera, brenda pak muajsh.

Për të nxjerrë vaksinën që CNBG tha se ndal koronavirusin, puna nisi në prill 2020 me mbështetjen e pushtetit lokal të Pekinit, tha CNBG.

Autoritetet shtetërore organizuan inspektimin e biosigurisë së vaksinës në muajin korrik.

Sot ata konfirmuan se vaksina përputhet me standardet kombëtare dhe mund të përdoret për prodhim në shkallë të gjerë të vaksinave, kundër COVID-19.

Me një fabrikë tjetër farmaceutike të ndërtuar po gjatë muajit të kaluar në Wuhan, në vendin ku shpërtheu koronavirusi, CNBG tha se do të jetë në gjendje të prodhojë 220 milionë doza të vaksinave të COVID-19 joaktive për këtë vit. /CNA.al





Lajmet e fundit nga