LEXO PA REKLAMA!

SHKARKO APP

Numër i kufizuar testimesh/ Dasho bën parashikimin e frikshëm: Mund të jenë rreth 1 mijë raste të reja në ditë

6 Gusht 2020, 18:16, Lifestyle CNA

Eksperti i shëndetit publik, Erion Dasho, ka folur pasditen e sotme për TvT lidhur me situatën e koronavirusit në vend.

Dasho tha se rritja e numrit të vdekjeve pasqyron rritjen e numrit të të infektuarve, por sipas tij, situata reale mbetet e paqartë për shkak të numrit të ulët të testimeve që kryhen në vendin tonë.

Me një përllogaritje në bazë të numrit të vdekjeve ai tha se në Shqipëri mund të ketë rreth 1 mijë raste me koronavirus në ditë.

?Gjendjen reale askush nuk e di. Ne kryejmë një numër të vogël testimesh, kemi më të ulëtin në Europë. Kjo e bën të pamundur njohjen e gjendjes aktuale. Duke parë numrin e vdekjeve në 45 ditët e para në gusht kemi një mesatare prej 5 vdekje në ditë, 3 në ditë në korrik dhe 1 vdekje në ditë në qershor.

Kemi një rritje të shpejtë të numrit të vdekjeve dhe ky pasqyron numrin e rasteve. Vdekshmëria nga Covid-19 është pranuar rreth 0.5%. Pra të kesh 5 vdekje në ditë do të thotë se ke rreth 1 mijë raste dy ose tre javë para. Pra jemi në rreth 1 mijë raste në ditë që është duke arritur në kapacitetet maksimale që mund të përballojë sistemi ynë shëndetësor?, tha Dasho/CNA.al

Lajmet e fundit nga