web counter
LEXO PA REKLAMA!

SHKARKO APP

App Store
Google Play

E fundit!

x

Kryemadhi fillon pazaret/ Paralajmëron Bashën, i “shkel syrin” Ramës?

31 Korrik 2020, 11:37, Politikë CNA

Kryetarja e Lëvizjes Socialiste për Integrim, Monika kryemadhi duket e paqartë në qëndrimet e saj publike.

Ndërsa pak ditë më parë në një studio televizive, tha se në zgjedhje gara e saj do jetë me Lulzim Bashën, mbrëmjen e djeshme është shprehur se do të qeverisë me Bashën.

Në fakt Kryemadhi duket kontradiktore në ato që thotë, por mesazhi që ajo përcjell është mjaft i qartë.

Me deklarimet e saj, kryetarja e LSI-së, duket se po paralajmëron Bashën, se nëse në zgjedhjet e ardhshme fiton opozita, ajo do kërkojë pjesën e saj të tepsisë.

Pas tetë vitesh në pushtet, katër vite me Berishën dhe katër vite me Ramën, tashmë tre vite në opozitë duket se kryemadhit i është shtuar oreksi, dhe kërkon me patjetër pjesën e saj.

Por, ka edhe një tjetër detaj. Pavarësisht urrejtjes së madhe popullore kundër kryeministrit Edi Rama, me një opozitë përballë si ajo e Monës dhe Lulit, shanset që ai të vijojë të mbajë pushtetin, nuk përjashtohen edhe pas 2021.

Por, Mona nuk mund të rrijë në opozitë edhe katër vite të tjera, kështu që duke i marrë parasysh të gjitha mundësitë, nuk rri pa ?i shkelur syrin? herë pas here edhe Ramës.

Në jo pak raste, vetë kryetarja e LSI-së, Monika Kryemadhi është shprehur se opozita nuk e mund dot Ramën.

?Opozita ka edhe një defekt që të jemi të sinqertë dhe ne duhet ta pranojmë, piarin. Pra Public Relation siç thonë këta intelektualët, po themi njerëzit e mediave, për të cilën duhet punuar dhe organizuar se normal se ne Edi Ramën nuk e mundim dot këtu se Edi Rama ka të gjithë strukturat e veta?,-është shprehur Kryemadhi, disa kohë më parë në një emisionin e Çim Pekës.

Pra, vetë Kryemadhi herë pas here nuk harron ?ti shkelë syrin? Ramës, ndërsa dje paralajmëroi Bashën se do pjesën e saj të qeverisë, në të kundërt Kryemadhi bën ashtu siç di të bëjë partia e bashkëshortit të saj. Dhe koha e ka treguar se mjafton një darkë me ngjala dhe gjithçka mund të përmbyset.

Ndërsa një ditë më parë, pas ndryshimeve kushtetuese të miratuara nga parlamenti pritej që Kryemadhi të ?ulëriste e kërcënonte?, siç edhe ka bërë më shumë se një herë, por në fakt kryetarja e LSI ishte me një qëndrim më të zbutur dhe nuk do të ishte çudi që Luli të mbetej ?me gisht në gojë?./ CNA.al

“Nuk e mundim dot Ramën…”/ Kryemadhi e pranon: Ja kush është defekti i opozitës

Video-Kryemadhi habit me deklaratën/ ?Gara në zgjedhje do jetë mes meje dhe Bashës, Rama del forcë e katërt?

Kryemadhi zbulon koalicionin e fitores: Do qeveris bashkë me Lulin





Lajmet e fundit nga