E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

“Kjo bëhet pa filluar loja, jo në mes apo në fund të saj”/ Ish-ministri leksion Ramës: Ky quhet ç'ekulibrim

31 Korrik 2020, 08:51, Politikë CNA

Ish-ministri i Drejtësisë në qeverinë ?Rama 1?, Ylli Manjani ka reaguar në lidhje me deklaratën e djeshme të kryeministrit, drejtuar ambasadorëve, ndërsa theksoi se çështjet e brendshme i zgjidhin vetë.

Në një postim në rrjetet sociale, Manjani thekson se Rama këtë duhej ta kishte bërë që në fillim, dhe jo në fund të ?lojës?.

?Edhe njëherë, për të qenë më i qartë dhe për të sqaruar çdo keqkuptim.

Ambasadorët nëse nuk i duan të përzihen në punët sovrane të Shqipërisë, duhej që në fillim të mos i kishin lejuar ta bënin.

Pra që kur Lu e Vlahutin, u sollën këtu si guvernatorë, madje shantazhuan edhe ligjvënës, Edi Rama po të ishte burrë shteti si ai i djeshmi, duhet ti ndalonte.

Duhet t’u tregonte vendin për të cilin shteti pritës bie dakort me çdo ambasador të huaj këtu. Formalisht të gjithë ambasadorët kanë të njëjtën marrëveshje me shtetin pritës. Pra edhe ambasadori Amerikan edhe ai i Rusisë, fjala vjen, kanë formalisht të njëjtën agreement me shtetin tonë.

Në asnjë agreement nuk thuhet, madje theksohet ndalimi i ambasadorëve fuqiplotë të ndërhyjnë në çështjet e brendshme të shtetit ku shërbejnë.

Ndaj Edi Rama duhet tua lexonte më herët, shumë më herët këtë marrëveshje atyre dhe do ishte në të drejtën e tij si sovran, padron a çfardo që i duket vetja se është.?-shkruan Manjani.

Po ashtu ai komenton edhe marrëveshjen për Reformën Zgjedhore, ndërsa shkruan se ?Gjithashtu edhe këta të sotmit ambasadorë, nëse nuk i donte të negocionin marrëveshjen për zgjedhje, Edi Rama i djeshëm duhej të kishte reaguar të paktën që në janar 2020. T’ua bënte të qartë agreementin që kanë me shtetin Shqiptar. Edi Rama ndër të tjera formalisht është edhe Ministër i Jashtëm…?.

Ndër të tjera Manjani shkruan se Rama i quan të mira ambasadorët nëse i shërbejnë atij, në të kundërt jo.

?Dhe pa asnjë dyshim është Fair të mos pranosh ndërhyrje apo negociatorë të huaj për mosmarrëveshje politike të brendshme.

Por kjo bëhet pa filluar loja, jo në mes apo në fund të saj. Ç’do me thënë kjo që ambasadorët janë të mirë vetëm kur më shërbejnë mua, përndryshe skanë punë në punët tona?!

Ky quhet ç’ekulibrim.

Është më mirë të mos e pranosh arbitrin sesa të refuzosh arbitrimin e tij.

Sidoqoftë, dje zyrtarisht e publikisht Kryeministri dhe Ministri ynë i Jashtëm i ka ndaluar ambasadorët të merren me punët e brëndshme tonat. Këta të fundit, pra ambasadorët, e kanë këtë marrëdhënie me shtetin jo me opozitën.

Ndaj nuk kanë se ç’ti kërkojnë kësaj të fundit. Aq më tepër ta gjykojnë siç e kanë bërë rregullisht. E kanë të ndaluar të gjykojnë edhe opozitën me urdhër të qeverisë, që prej ditës së djeshme.

Për hajër na qoftë!?-përfundon postimin e tij Ylli Manjani./ CNA.al