web counter
LEXO PA REKLAMA!

SHKARKO APP

App Store
Google Play

E fundit!

x

Pazare dhe mesazhe të koduara/ Zbulohen lojërat politike Rama-Meta-Basha

17 Korrik 2020, 12:26, Politikë CNA

Situata politike në vend duket e ?nxehtë?, ndërsa debatet dhe përplasjet në distancë, kanë qënë të shumta, por nuk kanë munguar edhe mesazhet e koduara, dhe ?shkeljet e syrit?, qoftë nga ana e kreut të PD-së, Lulzim Basha, qoftë nga ana e presidentit Ilir Meta, por edhe nga kryeministri Edi Rama.

Vetëm pak ditë më parë, gjatë një komunikimi me mediat, kreu i PD-së, Lulzim Basha tha se Edi Rama i ka ofruar një marrëveshje, që ai të bëhej kryeministër dhe Rama president.Luli Basha është thjeshtë: I PAVOTUESHËM

Pas kësaj deklarate të Bashës, erdhi reagimi nga kreu i qeverisë, i cili e mohoi t?i ketë ofruar një marrëveshje të tillë.

Në fakt ajo që tha Basha në fillim u duk si një shashkë politike, por duket se ?dardha e ka bishtin prapa?, dhe qëllimi i asaj fraze të thënë nga kreu i PD-së, ishte diku tjetër.

Fjalia e thënë nga Basha, më shumë sesa mesazh për Ramën, duket të ketë qënë një mesazh për presidentin Ilir Meta.

Mesa duket Basha nëpërmjet mesazhit të tij, ka kërkuar t?i thotë Ilir Metës, që nëse nuk bashkohemi bashkë, bashkohem me Ramën, dhe ty të nxjerrim jashtë loje…

Ndërkohë një ditë më parë, gjatë një konference për mediat, Meta e anashkaloi këtë deklaratë të Bashës. I pyetur nga gazetarët, Meta tha se ?preferoj të mos përgjigjem?.

Por ashtu siç e thamë më sipër, ?dardha e ka bishtin prapa?, dhe sot Meta i ka dhënë Bashës, përgjigjen që kërkonte.

Në një postim në rrjetet sociale, paraditen e sotme, Meta ka shpërndarë në profilin e tij një deklaratë zyrtare të Partisë Demokratike, për të thënë se ndan të njëjtin qëndrim dhe se mund të jenë bashkë kundër Ramës.

Por, kjo duket si loje politike kundër Rames ku njehere Meta, e njëhere Luli i “shkelin syrin” duke treguar se njeri prej tyre do shkojë pas të gjatit në koalicion pas zgjedhjeve të 2021.

Megjithatë edhe nga kryeministri, shpesh herë ka edhe mesazhe të tipit ?tërhiq e mos këput?, sikurse ishte edhe Komisioni Hetimor Parlamentar, për shkarkimin e presidentit.

Pas bujës së madhe në media, dhe rreth një vite ?hetime?, sot tollumbacja u shfry. Rama si duket bëri një hap pas dhe u tërhoq nga shkarkimi i Metës, duke i ?shtrirë? dorën e paqes.

Politika jonë e ka treguar se një ?darkë me ngjala? mund të përmbysë gjithçka dhe pas zgjedhjeve të 2021, nuk dihet se kush do jetë në koalicion, e kush do ngelet me ?gisht në gojë?.

Fakti është se Meta dhe Rama përtej ?luftës? që bëjnë në publik, bashkohen kur kanë interes, e ndahen kur nuk kanë. Janë këto lojëra dhe pazare të fëlliqura që politika jonë ka 30 vite që i bën në kurriz të shqiptarëve./ CNA.al





Lajmet e fundit nga