web counter
LEXO PA REKLAMA!

SHKARKO APP

App Store
Google Play

E fundit!

x

Habit Mustafa Nano/ “Nëse nuk do ishin ambasadorët, në Shqipëri mund të ndodhë një luftë civile”

17 Korrik 2020, 20:33, Politikë CNA

Analisti Mustafa Nano, ka analizuar mbrëmjen e sotme rolin e ndërkombëtarëve në vendin tonë.

Nano tha se ambasadorët janë aktorë shumë të rëndësishëm që luajnë në skenën tonë publike, pasi pretendon se roli i tyre rritet përpjestimisht me humbjen e besueshmërisë së klasës politike shqiptare e të aktorëve të tjerë lokalë.

Sipas tij, sot për sot ata janë zëri më i besueshëm në diskutimin publik në Shqipëri, duke qenë se nuk kanë interesa pushteti apo ndikimi në Shqipëri, nuk kanë as interesa ekonomikë dhe nuk janë as emocionalisht të përfshirë.

Nano deklaroi se nëse nuk do ishin ambasadorët, në Shqipëri mund të ndodhë një luftë civile.

?Unë vazhdoj të mendoj sot atë që kam menduar dje. Ambasadorët, e në përgjithësi të huajt, janë më të besueshmit në diskutimin publik në Shqipëri. Nuk është e thënë ta kenë drejtë sa herë që hapin gojën, dhe nuk është e thënë që duhet të emocionohemi më shumë sesa duhet prej atyre zërave, por ata, në ndryshim nga ne të këtushmit, nuk kanë asnjë konflikt interesi që mund t?ua bëjë pis opinionet e qëndrimet. Ambasadorët janë duke luajtur në Shqipëri një rol të bezdisshëm, por pozitiv. Ata janë një e keqe e nevojshme.

Prandaj, poshtë ambasadorët sepse janë duke luajtur një rol publik që nuk u takon. Rrofshin ambasadorët, sepse janë të vetmit që mund të luajnë rolin e arbitrit në sherret tona. Sikur të mos jenë ata, këtu nuk dihet çfarë ndodh. Edhe një luftë civile mund të ndodhë?, tha ai gjatë një monologu në ?Provokacija?./ CNA.al





Lajmet e fundit nga