LEXO PA REKLAMA!

SHKARKO APP

Hajdari paralajmëron Bashën dhe Kryemadhin/ Unë nuk jam në parlament për të mbështetur interesa familjare

11 Korrik 2020, 10:28, Politikë CNA

Deputetja demokrate, Rudina Hajdari ka dalë sot në një konferencë për mediat, për të folur në lidhje me Reformën Zgjedhore.

Gjatë konferencës, deputetja Hajdari ka akuzuar PD dhe LSI  se përdorën qytetarët për të bërë Pazar, ndërsa shtoi se dy forcat e opozitës kanë interesa të ngushta familjare.

Po ashtu ai i drejtoi një paralajmërim të fortë Bashës dhe Kryemadhit, ndërsa theksoi se ajo nuk ndodhet në parlament për të mbështetur interesa familjare, por për të përfaqësuar interesat e qytetarëve.

“U tha se listat e hapura janë një ndryshim i madh që duan kohë për tu implementuar. Kjo nuk është e vërtetë. Kemi që në 2019 që objekti i reformës zgjedhore u ndryshua me këmbëngulje të madhe që ne të futnim ndryshimin e sistemit dhe hapjen e listave. Më pas u pasua me iniciativën qytetare për hapjen e listave. Ironia këtu është që PD, LSI edhe pse  braktisën mandatet i përdorën qytetarët për të imponuar një agjende që nuk kishin asnjë rol në parlament. Pra ata braktisën vullnetin e qytetarëve dhe i përdoren njerëzit për të bërë pazar.

Nëse PD dhe LSI kërkojnë sërish të imponohen duke thënë se ata do kenë monopolin e opozitës kjo për mua shkon në një shterpë sepse janë në interesa të ngushta familjare. Unë nuk jam në parlament për të mbështetur interesa familjare, por për të përfaqësuar interesat e qytetarëve.

Unë nuk jam nga ata njerëz që mendojnë se listat e hapura do fusin në parlament kriminelë.  Më vjen keq që Basha nuk arriti dot që të kishte lartësinë e duhur për të mbështetur iniciativën për listat e hapura. Basha nuk e mbajti këtë premtim dhe sot goditi këtë premtim që vetë e ka bërë. Unë mendoj që një politikan duhet të ketë qëndrueshmëri. Listat e hapura është një premtim që po i jepet qytetarëve shqiptarë që nesër ata të zgjedhin atë person që meriton të shkojë në parlament”,- tha Hajdari.

Lajmet e fundit nga