LEXO PA REKLAMA!

SHKARKO APP

Leksioni i Sokol Olldashit 7 vite më parë/ Çfarë nuk mësoi kurrë Lulzim Basha

10 Korrik 2020, 09:36, Politikë CNA
Leksioni i Sokol Olldashit 7 vite më parë/ Çfarë nuk

Ish-ministri i ndjerë i Transportit, Sokol Olldashi, në kohën që garonte për drejtimin e Partisë Demokratike, ka dhënë leksione mjaft të qartë dhe të forta sesi duhet të jetë një opozitë, dhe si duhet të bëjë detyrën e saj të oponencës përballë pushtetit.

Gjatë një takimi në Korçë të mbajtur në korrik të vitit 2013, pasi PD kishte humbur zgjedhjet parlamentare, Sokol Olldashi ndër të tjera shprehej se tashmë jemi në opozitë dhe duhet të sillemi si të tillë.

?Kemi nevojë të bëjmë disa përmirësime në disa drejtime. Ne jemi në opozitë dhe duhet të veprojmë si të tillë. Përballë nesh është qeveria e Edi Ramës dhe përballë tyre jemi ne, PD-ja, si forca e vetme opozitare drejtuese e të gjithë moralit të shoqërisë shqiptare”, tha në atë kohë Olldashi.

Duke folur për etiketimin e LSI-së së poli i tretë politik në vend, Olldashi tha se poli i tretë nuk ekziston. “Nuk ka më pol të tretë, jemi ne dhe kundërshtarët tanë politikë. Ky është një modelim që ne duhet ta bëjmë shumë shpejt. Jam i bindur se PD-ja do të bëjë opozitën më të mirë që ka parë ky vend ndonjëherë, opozitën më të fortë. Ne kemi nevojë të ftojmë brenda shtëpisë tonë të gjithë ata që e konsiderojnë veten dhe japin prova se janë të gatshëm të jenë opozitarë?, ka theksuar Olldashi.

Në vijim të fjalës së tij në Korçë, Olldashi është shprehur  ?Të gjithë demokratët, kërkojnë nga ne arritjen e një rezultati dhe ne duhet të bëjmë çdo drejtues përgjegjës të rezultatit. I gjithë ky mekanizëm i përgjegjësisë, duhet domozdoshmërisht të shoqërohet me një nxitje të debatit dhe të konkurrencës së mirë brenda PD-së. Duhet të punojmë për strukturën e partisë e cila duhet të jetë më e nxitur drejt rezultatit. Nëse ne e krijojmë një mekanizëm të tillë, të stimulimit të karrierës brenda PD-së, unë jam i bindur, që kjo i bën vetëm mirë kësaj strukture dhe e bën më kërkuese ndaj këtij rezultati.?

Olldashi tha se një tjetër pikë e rëndësishme e rimodelimit të partisë është edhe krijimi i një iventari kontributesh për çdo anëtar.

?Në listat e partisë janë 106 mijë anëtarë, por ne duhet të krijojmë një iventar të kontributeve, që karshi emrit të çdo anëtari të parties, të jetë i shënuar kontributi i tyre. Kjo duhet në mënyrë që ditën që do të rikthehemi në pushtet dhe ajo ditë është data e përballjes më të parë me kundërhtarin tonë politik, ne të mos ti harrojmë këta njerëz. Kjo do ta bënte strukturën të konsoliduar dhe të përgjegjshme ndaj rezultatit. Me këta tre elementë, ne fitojmë të gjitha shanset që në përballjen e pare, ne të jemi një forcë fituese.?-ka thënë shtatë vite më parë, Sokol Olldashi.

Sot jemi shtatë vite pas, në 2020, dhe në fakt ajo çfarë ka ndodhur është se asnjë prej atyre çfarë tha Olldashi në vitin 2013, nuk është plotësuar.

Sot kemi një opozitë që ka dorëzuar në tavolinë çdo pushtet. Kemi një opozitë, që më shumë se opozitë, është aleate e kryeministrit. Kemi njw kryetar opozite që bën pazare me kryeministrin, në funksion të mbajtjes së karriges së kreut të PD-së.

Kemi një PD të përçarë, me elitë të ?shpartalluar? dhe një kryeministër që qeveris i qetë, pa asnjë lloj shqetësimi nga ata që duhej ta vinin me shpatulla pas muri çdo ditë./ CNA.al

Lajmet e fundit nga