web counter
LEXO PA REKLAMA!

SHKARKO APP

App Store
Google Play

Fjala e Merkelit për zgjerimin/ Së pari është Maqedonia e Veriut...dhe Shqipëria ndoshta

8 Korrik 2020, 17:29, Politikë CNA

Kancelarja e Gjermanisë, Angela Merkel, nga Parlamenti Europian, ka paraqitur prioritet e presidencës gjermane të Bashkimit Europian. Në një fjalim që zgjat 15 minuta, Merkel përmend vetëm një herë Shqipërinë dhe Maqedoninë e Veriut, për fatin e tyre të zgjerimit, por duket se në deklaratën e saj ka një diferencim.

Tekstualisht, kancelarja thotë këto fjalë në paragrafin e zbardhur edhe nga faqja zyrtare e Bundestagut:

?Gjatë presidencës sonë, ne duhet të bëjmë gjithçka mundemi për të përparuar në tre fusha të tjera të politikës së jashtme.  Së pari, në Konferencën e Aderimit, të paktën me Maqedoninë e Veriut, ndoshta edhe Shqipërinë për t?i dhënë një shtytje vendeve të Ballkanit Perëndimor në rrugën e tyre të perspektivës se anëtarësimit?. dhe së dyti, në marrëdhëniet tona me kontinentin tonë fqinj dhe Afrikën?.

Pra, Kancelarja edhe pse nuk e përmend faktin se për vendin tonë janë 15 kushte në tryezë që duhet të plotësohen, me gjuhë diplomatike, na sposton pas Maqedonisë së Veriut me parashtesën ?ndoshta?-(gegebenfalls).

Në mediat shqiptare, fjalimi i Merkelit u përcoll shpejt me nota optimizmi, sikur bisedimet për Shkupin e Tiranën të  mbyllen njëherazi brenda vitit, por faktet janë kokëforta, më saktë kushtet, e që nuk janë pak por 15 të tilla.

Megjithatë data e mbajtjes së konferencës së parë ndërqeveritare me Maqedoninê e Veriut duket e mundshme0 në 10 nëntor gjatë takimit të ministrave të jashtëm të Bashkimit Europian, sipas kalendarit të përkohshëm të Këshillit të Bashkimit Europian.

Ndërkohë, për Shqipërinë ka shumë pak gjasa të ndodhë gjatë presidencës gjermane nisur nga kushtëzimi i 27 shtetetve anëtare të Bashkimit Europian.

/CNA.al

 





Lajmet e fundit nga