E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

10 veçoritë e “dëgjesës” për vjedhjen e miliona eurove në Sharrë

8 Korrik 2020, 12:07, Politikë CNA

Drejtuesi i Departamentit për Mjedisin në PD, Jamarbër Malltezi vijon të hedhë akuza në lidhje me inceneratorin e Tiranës, për të cilin thotë se po vidhen miliona euro.

Në një postim në rrjetet sociale, Malltezi rendit 10 veçoritë e ?dëgjesës? me publikun që organizoi Rama-Veliaj-Ahmetaj-Zoto, sipas tij për vjedhjen e qindra miliona eurove në Sharrë.

Ndër të tjera, Malltezi thekson se në Sharrë është një ndotës kaq i madh, që do të djegë 800 ton plehra çdo ditë.

?1. Dëgjesë publike, ku asnjeri nga folësit nuk njihte pronarët e kompanisë për të cilën po punonin, nuk kish ndodhur ndonjëherë.
2. Dëgjesë publike për një ndotës kaq të madh, që do të djegë 800 ton plehra çdo ditë, ku munguan edhe Bashkia edhe ministria e Mjedisit, nuk kish ndodhur ndonjëherë.
3. Dëgjesë publike për një djegës, pa treguar skede teknike e ku askush nuk thoshte dot se çfarë lloji/firme do të jetë impianti djegës, nuk kishte ndodhur askund asnjëherë.
4. Dëgjesë me 25 roje, që rrethonin publikun, nuk kisha parë kurrë më parë. As Thesari i Shtetit nuk ruhet me 25 roje. Afera e plehrave qenka më e vlefshme se thesari i shtetit.
5. Dëgjesë publike, ku të lënë të dëgjosh 2 orë në diell të hapur (që t?i lodhin) dhe pastaj nuk duan të lejojnë komente, por veç pyetje, nuk kish ndodhur më parë.
6. Dëgjesë ku folësja të gënjejë se kinse nuk kish dalë çmimi i tokës ndërkohe qe kish disa muaj që qeveria ka nxjerrë VKM për fondin e shpronësimeve, kjo nuk më kishte rastisur.
7. Çmimi i shpronësimeve të tokës sipas qeverisë i del sa çmimi i dy stilolapsave, apo sa cmimi me të cilin gruaja e Edi Ramës kinse-bleu tokën në Surrel, pra me 2 euro për m2!
8. Dëgjesë publike, ku ndonëse thuhet se materialet janë në ëebsite, por ëebsite i bashkisë tregon ?error?, veç në Shqipëri ndodh. Dhe asnjë fjalë për impiantin që do të instalohet, çfarë lloji është, çfarë kapaciteti ka, çfarë emetimesh lëshon etj.
9. Dëgjesë ku mediat blihen dhe e nuk shfaqet asnjë debat as nga opozita dhe as nga banorët, sikur nuk kishte ndodhur asgjë nga këto, kjo ndodh veç kur mediat përlyhen keqaz në përlarjen e parave publike përmes reklamave nga Rama, Veliaj e Ahmetaj.
10. Degjese ku edhe gazetari “i pavarur” por i paguar nga Soros (ish bashkepunetor me Veliajn, bashkekryetar i Mjaft e tani me Birn) as nuk raportoi dot prezencen e opozites, jo me te tregonte se argumentet e opozites perfshi ate qe duan t?i perlajne token me cmimin e dy stilolapsave deshmuan teatrin dhe banoret e revoltuar percmuan haptaz ?degjesen? e falenderuan opoziten.?-shkruan Malltezi.