web counter
LEXO PA REKLAMA!

SHKARKO APP

App Store
Google Play

“Marrëveshja nuk zhbëhet”/ Rama: Askush nuk mund të marrë gjithçka që dëshiron

7 Korrik 2020, 18:45, Politikë CNA

Kryeministri Edi Rama ka folur për mediat pas përfundimit të takimit të dytë pa marrëveshje me opozitën parlamentare.

Rama tha se ka një konflikt në themel, që lidhet me marrëveshjen e bërë me opozitën jashtëparlamentare, duke theksuar se ajo që është arritur në marrëveshjen e Këshillit Politik nuk mund të zhbëhet.

“Nuk u arrit asnjë marrëveshje sepse kemi një konflikt në themel, që lidhet me marrëveshjen qe kemi bërë me opozitën jasht parlamentare, dhe për mua ajo është një bazë mbi të cilën mund të zhvillojmë më tutje procesin dhe mund të shtojmë, por nuk mund të heqim.

Ne jemi të gatshëm të konsiderojmë në formulë hapje listash, gati të diskutojmë për ta formalizuar dhe për teë arritur në një konsensus trepalësh.

Por kuptohet se në një konsensus trepalësh askush nuk do marri gjithccka që dëshiron. Por është shumë e rëndësishme që të gjithë të kenë zë në proces.

E para, kemi nevojë për një mazhorancë të gjërë në Kuvend që është shumë përtej mazhoracës që ne kemi.

E dyta, nuk kam ndonjë respekt më të madh për ata që janë jashtë se sa për ata që janë brenda, por askush nuk ka asnjë privilegj, dhe dua të jap një mesazh të qartë se sot është e vërtetë që shumica e shqiptarëve duhet të kenë zë në proces.

Për ne ka rëndësi zgjerimi më shumë i aleancës me njerëzit. Marrëveshja është një pengesë e madhe për anën tjetër, për deputet aktualë të opozitës duhet të pajtohen me idenë se këtë proces duhet ta kapërcejnë?, tha Rama./CNA.al





Lajmet e fundit nga