E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Qesharaku Aleksandër Biberaj!

7 Korrik 2020, 17:31, Politikë CNA

Kreu i Republikës së Re, Lulzim Basha nuk ndalet duke na bërë së qeshuri dhe gajasuri me personazhe që ia kërkon të ngjallë shpresën dhe bashkimin e opozitës.

Nga njëra anë del dhe bën thirrje për bashkim, për hapje të PD-së, nga ana tjetër nxjerr rrugës disa qesharakë, thuajse palaço politikë, të flasin kundër, të japin mendime për të treguar se PD-ja është liberale dhe mund të thotë gjithçka.

Kohët e fundit, në shkallët e zyrës së Lulit është parë shpesh të shkojë Aleksandër Biberaj, një personazh i cili do t’i shërbente mjaft mirë.

Një personazh që do të vlente shumë nëpër satira politike, por edhe në filma vizatimorë, jo tek ata me Tomin dhe Xherrin, por tek këto të dështuarat që askush nuk i shikon.

Qesharaku Aleksandër Biberaj është nga ata që sa herë ka ikur, ka hyrë e ka dalë, njëherë e nxjerrin me shkelma nga dera, njëherë e hedhin nga dritarja, kthehet në PD kur gjen ndonjë moment, përpiqet të rehabilitohet, të kapë ndonjë karrige, fillon shan, bërtet, ulëret por gjithmonë ka dështuar.

Ka gati 20 vjet që vjen vërdallë dhe nuk po zgjidh dot asgjë. Ishte në PD, u largua vetë sepse kërkonte që të bëhej Bamiri president. Nuk e bëri dot Bamirin dhe më pas iku te FRD e tij.

Ky Biberaj që sot del dhe flet në emër të Lulzim Bashës është njeriu që shkonte dhe bënte fushatën e Ramës në 2013 dhe kandidatëve të Rilindjes në vitin 2015.

Kujtojmë këtu partinë e Topit dhe vitin 2013, garën e Vangjush Dakos, mund të shihni nëpër foto. Bamir Topin apo Gazmend Oketën apo Sandër Biberajn të cilët vraponin në atë kohë për të nxjerrë kryetar bashkie Gjushin e Durrësit. Pa folur për emra të tjerë, pa folur për aleancën e Bamir Topit me Rilindjen ku Aleksandër Biberaj ishte një themelues dhe një drejtues kryesor i FRD-së së Bamir Topit.

Tashmë i thirrur për kafe nga Luli, kërkon të përdoret si një kobure qesharake që në vend të plumbave nxjerr ujë dhe kërkon të lagë dikë, por në fakt lag pantallonat e veta.

Biberaj ka dalë në media dhe deklaron se PD duhet të hapet, por jo me ata që humbën në 2013, duhet të hapet me të tjerë, të rinj, “fitues” si Sandër Biberaj. Pra Sandri i cili luftoi në 2013 që PD të binte nga pushteti, doli hapur në atë kohë dhe bëri gjithçka që demokratët të humbnin, sot kërkon që të mos jenë ata që ai luftoi në 2013, pra Partia Demokratike që ai i doli kundër, por të jetë ai, pra ky, Bamir Topi, ndoshta Genc Pollo e ca të tjerë që gjithë jetën kanë ikur nga PD-ja dhe e kanë përdorur atë si trampolinë për interesat e tyre, kur iu është prishur qejfi kanë shkuar dhe kanë fjetur me socialistët.

Këtë ka bërë sot Biberaj me një dalje të tij mediatike ku ka thënë se kërkon një hapje ndryshe të PD-së. Në fakt, më hapje ndryshe se sa kaq nuk mund të ketë. Të kesh Sandër Biberajn, fitorja e PD-së në 2021 është e garantuar, sidomos me Bamir Topin brenda, me Gazmend Oketën, me Genc Pollon, me këta elitarë të mëdhenj të cilët gjithë jetën kanë bërë parti të tjera dhe kanë luftuar kundër fitores së PD-së! Dhe Luli ka zgjedhur pikërisht vogëlsira dhe të keqen më të madhe të PD-së ta përdorë në interes të tij për të rrëzuar Edi Ramën.

Në fakt nuk janë asgjë tjetër, por të dërguarit e Ramës tek Lulzim Basha që do t’i sigurojnë atij fitoren e zgjedhjeve të ardhshme, dhe ndoshta për një bashkëqeverisje të Republikës së Re me Rilindjen, patjetër që duhen dhe ata që e kanë provuar më parë, pra Aleksandër Biberajt me shokë./CNA.al