E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Teuta zbret Tiranën me këmbë në tokë, ja ç'po ndodh te bardheblutë

17 Qershor 2020, 08:20, Sport CNA

Tirana nuk ka vonuar shumë dhe men jëherë pas humbjes me Teutën i është kthyer stërvitjes. Sigurisht, shumica e lojtarëve që luajtën të hënën nuk janë parë në stërvitje intensive, por vetëm shkrydhëse. Gjithsesi, para ndeshjes drejtuesit e skuadrës kanë zhvilluar një takim mes njëri-tjetrit. Si fillim, drejtori sportiv Arbi Laçi dhe menaxheri i skuadrës Mario Nikolli u bashkuan me stafin dhe diskutuan për pak minuta. Më pas, skuadra u spostua në fushë, ku trajneri zhvilloi një analizë të shkurtër për takimin që bardheblutë humbën në Durrës dhe sfidën me Vllazninë në fundjavë.

ANALIZA ? I pari që foli para ekipit ishte drejtori sportiv. Më pas ishte trajneri Emanuel Egbo ai që diskutoi para skuadrës. Në një analizë të shkurtër, Egbo u bëri të qartë lojtarëve se humbja mund t?i ndodhte çdo skuadre, sigurisht edhe Tiranës. Ajo erdhi dhe tani gjithçka duhet të menaxhohet pa panik. Trajneri sqaroi se është i kënaqur për reagimin në pjesën e dytë, por shumë i pakënaqur me pjesën e parë, ku në fushë nuk ishte Tirana, por një hije e saj. Egbo mësohet të ketë thënë se skuadra është treguar naive në pjesën e parë dhe ka rënë pre e lojës së fortë, provokimeve, duke u nervozuar shumë për sjelljen e kundërshtarit, në vend që të zhvillonte lojën e jashtëzakonshme.

Trajneri ka paralajmëruar skuadrën që të mos përsëritet kjo gjendje, sepse në lojë është titulli kampion dhe të gjithë duhet të tregohen të matur. Madje, nigeriano-shqiptari ka qartësuar te të gjithë se skuadra duhet të jetë shumë e vëmendshme, sepse, sipas tij, çdo skuadër do ta luajë sfidën me Tiranën si një finale të vërtetë. Egbo u përsëriti djemve që duhet të bëjnë të zakonshmen, të luajnë futbollin e tyre dhe gjithçka do të jetë në krahun e tyre. Trajneri në fund i dha besim skuadrës për ndeshjet e ardhshme.

VLLAZNIA ? Pas fjalëve për Teutën, Egbo kërkoi vëmendje në sfidën me Vllazninë. Sipas tij, kjo ndeshje duhet të fitohet medoemos, pasi është vendimtare për titullin kampion. Ai i ka pohuar ekipit se gjithçka është në dorën e Tiranës, por bardhebluve nuk u lejohet një gabim i dytë.