web counter
LEXO PA REKLAMA!

SHKARKO APP

App Store
Google Play

E fundit!

x

Situatë e frikshme në Krujë/ Konfirmohen 18 raste të reja me Covid-19 në dy fasoneri, të infektuar punonjës dhe familjarë

22 Prill 2020, 07:39, Lifestyle CNA

Situata po merr përmasa të frikshme në Krujë, në dy fasoneritë e këtij qyteti ku mësohet se 18 raste të reja me Covid-19 janë identifikuar mbrëmjen e djeshme.

Sipas Report Tv, janë kryer 30 tampone gjatë 24 orëve të fundit, kur 18 kanë rezultuar pozitiv dhe bëhet fjalë për punonjës të dy fasonerive, përfshirë edhe familjarë të tyre si raste kontakti. Mes tyre, shumica janë gra punonjëse të fasonerisë, por ka edhe rreth të ngushtë familjarë, kontakte të tyre, kryesisht fëmijët.

Në këtë fabrikë punojnë shumë zonja edhe nga fshatra të Kurbinit, të cilat shkojnë në punë me furgonë.

Në këtë qytet janë 27 fasoneri, nga të cilat vetëm 7 janë vetëpezulluar, teksa pjesa tjetër ka vijuar punën normalisht edhe gjatë periudhës COVID-19.

Kujtojmë se fasoneritë janë lejuar të qëndrojnë hapur me urdhër të Ministrisë së Shëndetësisë, ndërkohë që ka qenë e detyrueshme garantimi i masave mbrojtëse i personelit në punë, me maska e doreza si dhe më e rëndësishmja, distanca fizike mes punonjëseve me një hapësirë prej 2 m nga njëri-tjetri. Nuk dihet nëse kjo situatë ka ardhur si pasojë e mos marrjes së masave nga ana e pronarëve apo mosrespektimit të masave nga punonjësve.





Lajmet e fundit nga