web counter
LEXO PA REKLAMA!

SHKARKO APP

App Store
Google Play

E fundit!

x

Vdekja e të moshuarit në Shkodër/ Ministria e Shëndetësisë sqaron të vërtetën

10 Prill 2020, 13:26, Sociale CNA

Ministria e Shëndetësisë ka reaguar në lidhje me një lajm të publikuar sot në media, ku thuhej se një i moshuar në Shkodër ka ndërruar jetë për shkak të koronavirusit.

Në një deklaratë për mediat, Ministria e Shëndetësisë bën të ditur se i moshuari 85-vjeçar, me inicialet E.L., i cili ka ndërruar jetë në banesën e tij në Shkodër, nuk ka humbur jetën si pasojë e COVID19.

Sipas MSH, i moshuari, i cili prej dy muajsh qëndronte i palëvizur për shkak të një frakture koksofemorale dhe vuante nga diabeti mellitus, sëmundje kardiake dhe hipertension, ka ndërruar jetë si pasojë e infarktit të miokardit ditën e sotme.

?85-vjeçari ka qenë bartës i COVID-19, i konfirmuar gjatë hetimit epidemiologjik të kryer tek të gjithë anëtarët e familjes së tij në Shkodër, por ka qenë asimptomatik gjatë gjithë kohës, pra pa shenja të sëmundjes. 85-vjeçari ndiqej nga mjeku i familjes, i cili ka konfirmuar se shkaku i vdekjes është infarkti i miokardit.

Ministria e Shëndetësisë dhe Mbrojtjes Sociale i shpreh ngushëllime familjes së të ndjerit dhe siguron opinionin publik se do të informojë për situatën, sikundër ka bërë deri tani. Sqarojmë edhe një herë se 85-vjeçari, nuk është viktimë e COVID-19 në Shqipëri.?-thuhet në njoftimin e Ministrisë së Shëndetësisë.





Lajmet e fundit nga