web counter
LEXO PA REKLAMA!

SHKARKO APP

App Store
Google Play

E fundit!

x

Nuk përmbahet Fuga/ "O trap! Financo urgjent këto biznese dhe shtresa qytetarësh"

9 Prill 2020, 14:57, Politikë CNA

Akademiku Artan Fuga me tone të ashpra ka kërkuar pasditen e sotme që qeveria të nxisë kërkesën në treg, jo ofertën përballë një konsumatori me xhepa të grisur.

Nënëpërmjet një postimi në rrjetet sociale, Fuga deklaron se duhet financuar urgjent konsumatori masiv, aksioneri masiv dhe shtresat në nevojë.

Ai thotë se qeveria duhet të rrisi pagat dhe jo t’i përgjysmojë ato me tip nismash revolucionare si në vitin e mbrapshtë 66 dhe 68, të detyrojë rritjen e pagës minimale, të japi shërbime publike dhe të nxisë kantieret publike.

Gjithashtu Fuga kërkon të stimulohet bujqësia, blegtoria, artizanati, industria përpunese e lëndëve të para, sipërmarrjet e mesme prodhuese, dhe shumë biznese të tjera.

“Qytetarë mos t’i lemë ca birbo gjoja ekonomista që kanë shitur shpirtin te ca biznese të falimentuara, pa dobi shoqërore, kurse mendjen as e kanë pasur ndonjëherë në vend! Ashtu përballet kriza jo me hua që marrin bizneset e mëdha apo nga PPP që jepen duke rënduar taksat dhe duke përkesësuar borxhin publik. Ky është liberalizëm i ndershëm dhe jo maskarallik.

Sepse tregun e komandon konsumatori me kërkesën e vet, jo ata drejtojë qeveria me ca oligarkë të lidhur me të që e komandojnë ekonominë me teke të ardhura nga qejfi i tyre, duke e zëvendësuar konsumatorin e lirë, kërkesën e lirë në treg, me urdhërin e xhandarit që mbledh taksa. Kemi zhdukur konsumatorin dhe zëvendësuar me taksapaguesin brrekçjerrë! Ky është virusi i ekonomisë pas koronavirusit ore ti i ekonomiiisë, o trap !”, shkruan ai./ CNA.al





Lajmet e fundit nga