web counter
LEXO PA REKLAMA!

SHKARKO APP

App Store
Google Play

Akuzat për tenderat/ Manastirliu: Opozita të heqë maskën e hipokritit, procedurat janë bërë në bazë të ligjit

8 Prill 2020, 16:05, Politikë CNA

Prej disa ditësh opozita ka kërkuar anullimin e 12 tenderave, të cilët pretendon se janë korruptivë, ndërsa lidhur me këtë ka reaguar edhe ministrja e Shëndetësisë Ogerta Manastirliu.

Manastirliu pretendon se procedurat e tenderave janë bërë sipas ligjit, ndërsa akuzon opozitën për shpifje.

“Përsa kohë opozita i është drejtuar prokurorisë unë i respektoj këto organe dhe do pres të ketë një hulumtim të tyre dhe më pas do të flas. Sa i përket akuzave, këto akuza jo vetëm që janë të panevojshme sepse janë në vazhdën e shpifjeve për hedhur baltë dhe për të dëmtuar punën e institucioneve. Është mirë që opozita duhet të heqë maskën e hipokritit. Deri para pak kohësh ankohej dhe thoshte se mjekët nuk janë të mbrojtur dhe nuk kanë maska dhe veshje, tani ankohet pse qeveria po i pajis me veshje që sigurisht do të blihet me procedura publike. Asnjë procedurë nuk është e fshehur, është bërë në bazë të ligjit. Ministria e Shëndetësisë është e hapur që të vërë në dispozicion të të gjithë organeve hetimor të gjithë dokumentacionin”, deklaroi ajo në një lidhje me Rtv Ora, teksa nënvizoi se çdo procedurë lidhur me këtë çështje do të bëhet bazuar në ligj./ CNA.al





Lajmet e fundit nga