web counter
LEXO PA REKLAMA!

SHKARKO APP

App Store
Google Play

E fundit!

x

Manastirliu: 1600 mjekë do të ndjekin online ecurinë e pacientëve me COVID-19

6 Prill 2020, 13:36, Lifestyle CNA

Ministrja e Shëndetësisë, Ogerta Manastirliu u shpreh nga qendra shëndetësore nr. 5 në kryeqytet se mjekët e familjes kanë kryer mbi 40 mijë konsulta online me të sëmurët kronikë për barnat e rimbursueshme, etj.

Sipas Manastirliut, parapërgatitja ka filluar edhe përsa i përket rolit të mjekut të familjes në trajtimin e pacientëve që janë konfirmuar si të prekur nga koronavirusi dhe janë me simptoma të lehta dhe të moderuara.

“Telekonsultat janë duke u kryer në të gjitha qendrat dhe po ndihmojnë mijëra qytetarë, qoftë për barnat e rimbursueshme, por edhe për telekonsultat ku mjekët janë duke i kryer cdo ditë. Parapërgatitja ka filluar edhe përsa i përket rolit të mjekut të familjes në trajtimin e pacientëve që janë konfirmuar si të prekur dhe janë me simptoma të lehta dhe të moderuara. Kjo është një luftë, prandaj të gjithë batalionët duhet të jenë në vijën e parë, ashtu si i gjithë sistemi spitalor. Janë 1600 mjekë të familjes në konsulta online, por edhe asistencës dhe regjistrimit të të prekurve.
Këtë rol mjeku i familjes e ka marrë dhe do ta ketë edhe në vijim?, tha Manastirliu.
Më tej ajo sqaroi se në kartelën e referimit elektronik do të shtohet kategoria e të prekurve nga COVID.
?Të gjitha do të vendosen në këtë sistem dhe mjeku i familjes në kohë reale do të jetë i informuar që qytetari që ka në përgjegjësi është i prekur nga COVID dhe duhet ta ndjekë nga telekonsulta. Duhet të futemi në fazën e dytë të strategjisë nga mjekët e familjes, që do të thotë se është një asistencë për të prekurit apo dyshuarit, për t’u dhënë një këshillë” tha ministrja./CNA.al





Lajmet e fundit nga