E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Alibeaj i qepet pas tenderit pa garë/ Zbulon kompaninë me administrator pronarin e basteve

31 Mars 2020, 17:49, Politikë CNA

Ish-deputeti i Partisë Demokratike Enkelejd Alibeaj ka ngritur të tjera akuza ndaj qeverisë lidhur me tenderin pa garë 1.5 milionë euro për furnizimin me ushqime të Rezervave të Shtetit.

Alibeaj pretendon se kompania ?Eurovia? që ka fituar tenderin është e specializuar për pajisje kompjuterike dhe ndërtim, jo për tregtimin e produkteve ushqimore.

Sipas tij, kompania nuk ka eksperiencë në tregtinë ushqimore dhe ka si administrator shtetasin Emir Shefitin, një pronar kompanie bastesh sportive të regjistruar në Tetovë.

“E vërteta është që kompania që Edi Rama dhe Olta Xhaçka kanë parapërzgjedhur t?i japin plot 1.5 milion euro, nuk ka asnjë eksperiencë në tregtimin e produkteve ushqimore. E vërteta është që kompania ?Eurovia? që Alo Edi dhe Olta Xhaçka ka parapërzgjedhur për t?i dhënë tenderin është e specializuar për pajisje kompjuterike dhe ndërtim, jo për tregtimin e produkteve ushqimore.

E vërteta është që kompania ?Eurovia?, është rregjistruar në Shqipëri rreth një vit më parë, në Shkurt 2019. Aktiviteti i saj kryesor lidhet me pajisje elektronike, ndërtim dhe sisteme kompjuterike. Ajo ka si administrator shtetasin Emir Shefitin, një pronar kompanie bastesh sportive të regjistruar në Tetovë, të quajtur ?Sports and More?, e cila merret me lojra kompjuterike dhe programime teknologjike.

E vërteta është që në datë 19 Mars 2020, pra vetëm 6 ditë para se të shpallej fituese e tenderit për ushqime nga Ministria e Mbrojtjes, kompania ?Eurovia? shpk, dega Shqipëri, ka modifikuar objektin e aktivitetit të saj, duke shtuar edhe tregtimin në produktet ushqimore”, tha demokrati në një deklaratë për shtyp.

Ai pretendon se vetëm 6 ditë pas këtij modifikimi, pa asnjë eksperiencë në këtë fushë, ajo shpallet fituese e tenderit 1.5 milionë euro të zhvilluar nga Ministria e Mbrojtjes për paketat ushqimore.

“Deri përpara se të mbyllte pazarin me Edi Ramën dhe Olta Xhackën, objekti i kompanisë ishte ?Import dhe eksport, instalim, mirëmbajtje, tregti me pakicë dhe shumicë të pajisjeve kompjuterike, kancelarike, telefonike, elektronike, mekanike, të telekomunikacionit, elektrike, hidraulike, impjanteve e pajisjeve termosanitare?etj.?

Më datë 19 Mars 2020, gjashtë ditë përpara se Ministria e Mbrojtjes ta shpallte fituese për blerjen e pakove ushqimore, kompania ?Eurovia? shpk shtoi në objektin e aktivitetit të saj edhe ?Import eksport te mallrave industriale e ushqimore, prodhime bujqesore e blegtorale, prodhim e shitje pije alkoolike, tregtimin e tyre me shumice e pakicë?. Menjëherë pas këtij ndryshimi, Ministria e Mbrojtjes e identifikon dhe i dërgon Ftesë për Ofertë, në një procedurë pa garë dhe me negocim pa shpallje publike”, nënvizoi më tej ish-deputeti./ CNA.al

PD akuza qeverisë/ “Tenderi 1.5 mln euro për furnizimin me ushqime bëhet pa garë”