E fundit!

20:23 Aktualitet

Protestuesit para Kryeministrisë: Nuk dorëzohemi deri në largimin e Ramës

Vijon prej një ore protesta e 52-të kundër qeverisë dhe fj...

Manastirliu bisedon me mjekët e dërguar në Itali/ Ministrja nuk kursen këshillat

31 Mars 2020, 15:36, Politikë CNA

10 mjekët shqiptarë të dërguar në Itali kanë filluar punën ditën e sotme në spitalin e Breshias, ndërsa 20 infermierët do të fillojnë nga nesër.
Lajmi është bërë i ditur nga vetë mjekët gjatë një komunikimi me ministren e Shëndetësisë Ogerta Manastirliun. Mjeku Ermal Pashai tregoi se ata janë ndarë sipas pavioneve ku janë të specializuar.
?Ne mjekët filluam të gjithë punë sot, infermierët do të fillojnë nesër. Reanimatorët kanë filluar punë në reanimacion, ndërsa unë me gjithë doktoreshën tjetër jemi tek repartet e COVID subintensiv, në repartet e pneumologjisë. Ndërsa doktoresha që vinte nga Instituti i Shëndetit Publik është tek tamponët me gjithë dy mjekë të tjerë. Ndërsa dy mjekë janë vendosur në triazhim. Edhe infermierëve u kanë përcaktuar vendet dhe po i pajisin me veshjet e duhura dhe nga nesër do të fillojnë shërbimin?, tha Pashai, ndërsa ministrja i dha atyre këshilla.
?Një këshillë kisha. E para forca dhe kujdes veten të gjithë ju, pra kujdes materialet e mbrojtjes personale, veshja e duhur për të mos rrezikuar veten. E dyta, ju jeni krenaria jonë, ne kemi besim tek ju dhe do të doja që nëpërmjet jush dhe gjithë ekipit tjetër t?ju uroja suksese në këtë mision humanitar?, u shpreh Manastirliu.
?Ka një kohë për të punuar dhe për të luftuar, një kohë tjetër pastaj për të ndarë eksperiencën dhe kjo është koha për të luftuar dhe kush lufton nuk e ka mendjen te fjalët, por e ka mendjen te puna. E para këshillë për të gjithë është veshja, kujdes me çdo gjë. Ju jeni siguria jonë. Do doja t?ju uroja sukses. Në këto moment është shumë i rëndësishëm angazhimi juaj, por edhe të tregoni sa më shumë profesionalizëm. Ju jeni aty në një mision finsik, një mision kurajoz në këtë kohë të vështirë. Sa më shumë të përqëndruar te puna tani. Kjo është një kohë lufte dhe kush lufton nuk e ka mendjen te fjalët, por te lufta dhe te puna?, nënvizoi më tej ministrja./ CNA.al