web counter
LEXO PA REKLAMA!

SHKARKO APP

App Store
Google Play

Refugjatët bëhen “mollë sherri”/ Tensione në kufirin Turqi-Greqi, hidhet gaz lotsjellës

1 Mars 2020, 18:08, Kosova & Bota CNA

Një situatë e tensionuar është krijuar sot në kufirin Turqi-Greqi për shkak të fluksit të madh të refugjatëve.

Mediat greke raportojnë se forcat e policisë greke janë duke u munduar që të mos lejojnë hyrjen e emigrantëve, ndërsa policia turke i ka sulmuar me gaz lotsjellës.

Gazi ka pasur si qëllim hapjen e kufirit dhe futjen e emigrantëve brenda territorit të Greqisë. Si pasojë ka marrë plagë në fytyrë një polic grek, i cili është jashtë rrezikut për jetën.

Mësohet se rreth 13 mijë refugjatë janë duke pritur të kalojnë në kufi, për të shkuar drejt vendeve të Bashkimit Europian.

Policia dhe Garda e Republikës së Greqisë janë vënë në gatishmëri të plotë, ndërsa Kryeministri Kyriakos Mitsotakis do të mbledhë Këshillin Qeveritar për Punët e Jashtme.

Nga ana tjetër, presidentit turk Recep Tayyip Erdogan ka kërcënuar se ?kufijtë nuk do të mbyllen?. Duket se situata po shkon drejt përkeqësimit të marrëdhënieve. Kujtojmë se refugjatët janë bërë jo pak herë ?mollë sherri? mes dy shteteve./ CNA.al





Lajmet e fundit nga