web counter
LEXO PA REKLAMA!

SHKARKO APP

App Store
Google Play

Koronavirusi/ Ministria e Shëndetësisë u jep 1 mln dollarë spitaleve për shtimin e mjeteve mbrojtëse

25 Shkurt 2020, 17:55, Sociale CNA

Pas mbledhjes së pasdites së sotme të Komitetit Teknik të ekspertëve, me fokus “masat paraprake për parandalimin dhe përhapjen e koronavirusit të ri”, Ministria e Shëndetësisë dhe Mbrojtjes Sociale ka vendosur ti rialokojë një fond shtesë prej 1 milion dollarë buxhetit të spitaleve, fond ky që do të shkojë për rritjen e stokut aktual të mjeteve të mbrojtjes personale.

Ky fond shtesë shërben vetëm për qëllimin e sipërpërmendur të rritjes së stokut të mjeteve të mbrojtjes personale në strukturat tona spitalore.

Ministria e Shëndetësisë dhe Mbrojtjes Sociale siguron personelin shëndetësor dhe qytetarët se aktualisht, të gjitha strukturat spitalore, kanë në dispozicion sasinë e nevojshme të mjeteve të mbrojtjes personale, për të përballuar situatën.

Ministria e Shëndetësisë siguron se deri në këto momente, nuk ka raste të konfirmuara të koronavirusit COVID 19 në vendin tonë.

Ministria e Shëndetësisë dhe Mbrojtjes Sociale dhe Task Forca për parandalimin e depërtimit dhe përhapjes së koronavirusit të ri, u bën thirrje të gjithë qytetarëve që kanë udhëtuar nga vendet e prekura, të telefonojnë në numrin e Urgjencës Kombëtare 127, në rast të shfaqjes së çdo shqetësimi apo shenje klinike.

Ministria e Shëndetësisë dhe Mbrojtjes Sociale informon qytetarët se do të ofrojë informacione të përditshme, ashtu siç ka bërë deri më tani, në funksion të transparencës dhe informimit të publikut./CNA.al

 





Lajmet e fundit nga