Politikë
Aksioni për kapjen e kokainës në bashkëpunim me DEA-n/ Klodiana Lala: Në MV kaloi përmes Shqipërisë
Gazetarja Klodiana Lala ka dhënë detaje për operacionin ndërkombëtar në Maqedoninë e Veriut, ku u sekuestrua 1.3 ton kokainë.
Lala tha për BW se aksioni është zhvilluar në bashkëpunim me DEA-n amerikane, Guardia di Finanzan, policinë shqiptare dhe me forcat policore të disa vendeve të tjera.
Dyshohet se kokaina ka ardhur nga Amerika në Mal të Zi dhe kishte si destinacion Koperin e Sllovenisë.
Mirëpo, gazetarja deklaron se kokaina ka kaluar në Maqedoninë e Veriut përmes pikës kufitare të Hanit të Hotit në Shkodër dhe më pas ka dalë nga pika kufitare e Qafë Thanës.
Droga është transportuar me një kamion bananesh nga Amerika, ndërkohë që Lala pretendon se policia shqiptare ka qenë në dijeni të këtij mjeti.
Kujtojmë se kokaina u sekuestrua në një magazinë frutash dhe së bashku me të janë arrestuar edhe tre persona, dy shoferë dhe një magazinier./ CNA.al
Politikë
“Qetësohu “Gjeneral!”/ Presidenca i kthehet me të njëjtën monedhë Lleshajt
Ministri i Brendshëm, Sandër Lleshaj, paralajmëroi pak minuta më parë se do të kornizojë institucionin e Presidentit dhe se Policia e Shtetit nuk do ta lejojë Ilir Metën të organizojë tubim më 2 mars kundër qeverisë.
Por ka qenë i menjëhershëm reagimi i Presidencës, e përfaqësuar nga zëdhënësi Tedi Blushi.
Blushi i kërkon me tone ironie Ministrit të qetësohet, ndërsa e akuzon se po e bën këtë paralajmërim nën urdhrat e kryeministrit Edi Rama. Zëdhënësi i Metës thekson se rendin në 2 mars do ta garantoje Presidenti në bashkëpunim me qytetarët.
“Asnjë sekondë për të humbur me “Gjeneralin” nën poture. Si mund të bëjë moral për Kushtetutën një gënjeshtar që donte të hynte në shkelje të Kushtetutës me kamuflazh në zyrën e ministrit?
Qetësohu “Gjenerali” nën poture: Rendin në 2 mars e garanton Presidenti bashkë me popullin!”, nënvizon Blushi./ CNA.al
Paralajmëron Sandër Lleshaj/ Policia barrikadë kundër Presidentit
Politikë
Paralajmëron Sandër Lleshaj/ Policia barrikadë kundër Presidentit
Ministri i Brendshëm, Sandër Lleshaj, ka reaguar pas deklaratës së presidentit Ilir Meta, i cili lajmëroi për një protestë kundër grushit të shtetit, në 2 mars.
Lleshaj thotë me tone të ashpra se është koha që institucioni i Presidentit të kornizohet me ligj. Ai paralajmëron se Policia e Shtetit nuk do ta lejojë Metën të organizojë tubim më 2 mars, kundër qeverisë.
“Koha për të kornizuar me ligj funksionimin e institucionit të Presidentit! Prej 20 vjetësh diskutohet dhe harrohet. Por siç po duket deri në dhimbje tanimë, ideja se kreu i shtetit është individ i vetërregullueshëm, ka vdekur! Republika Parlamentare nuk diskutohet, respektohet.
Fakti që Policia e Shtetit duhet të hyjë në historinë e planetit si e para polici në botë që garanton tubimin antiqeveritar të kreut të shtetit, flet më shumë se një miliardë fjalë për çrregullimin e skajshëm të zotërisë që e ka kthyer Presidentin në një absurditet folklorik”, deklaron ministri Lleshaj./ CNA.al
Politikë
Greva e punonjësve të rafinerisë dhe pompimit në Poçem/ Basha kërkon zgjidhje të menjëhershme
Kreu i opozitës Lulzim Basha ka shprehur mbështetjen për protestën dhe grevën e urisë së punonjësve të nënstacionit elektrik dhe atij të pompimit të ujit në Poçem të Mallakastrës.
Me anë të një postimi në rrjetet sociale, Basha deklaron se kërkesat e këtyre punonjësve janë të drejta dhe duhet të gjendet zgjidhje.
“Mbështes plotësisht punonjësit e rafinerisë së naftës dhe stacionit të pompimit të ujit në Poçem dhe aktet e tyre sublime, përfshirë grevën e urisë. Kërkesat e tyre janë të drejta dhe duhet të gjejnë zgjidhje të menjëhershme. Indiferenca dhe loja e pushtetarëve me fatin e tyre është kriminale”, thekson lideri i demokratëve.
Kujtojmë se punonjësit në Poçem kanë zhvilluar disa protesta të njëpaasnjëshme dhe janë futur në grevë urie, pasi deklarojnë se nuk kanë marrë asnjë përgjigje nga administratorët e kompanisë së naftës për çështjen e pagave.
Ata thotë se kanë 27 muaj që nuk paguhen dhe nuk do të tërhiqen derisa instancat shtetërore t’i japin zgjidhje problemit të tyre, por ndërkohë në nënstacionin e Poçemit vijon puna normalisht./ CNA.al
