E fundit!

10:45 Kronika

Vrau efektivin e policisë dhe plagosi një tjetër/ Kush është autori i ngjarjes në Maliq

Një ngjarje e rëndë u shënuar këtë të enjte në Lozhan të M...

Rama jep 15 milion euro pa tender, për firmën pranë Lulzim Bashës

30 Janar 2020, 10:03, Politikë CNA

Kreu i qeverisë, me 26 dhjetor, në mbyllje të vitit të kaluar, një muaj pas tërmetit traumatik të 26 nëntorit, duke gjetur si arsye edhe emergjencat natyrore, situatën e shpallur edhe nga vetë qeveria, i ka dhënë 15 milion euro firmës ?Victoria Invest? të Fatmir Kucit, dhe një subjekti tjetër italian.

Pra, Agjencia Kombëtare e Ujësjellës-Kanalizime ka shpallur fitues të tenderit 15 milionë euro për mbylljen e land-fillit të Porto-Romanos bashkimin e operatorëve ndërmjet kompanisë shqiptare ?Victoria Invest International? dhe asaj italiane, ?De Mare? srl?.

Firma ?Victoria Invest? njihet si një subjekt biznesi me lidhje të forta me Lulzim Bashën e Republikës së re.

Nuk ka asgjë skandaloze në qoftë se dje ?Boldnews? nuk do të ksihte zbardhur me detaje atë se çfarë kishte ndodhur me procedurën e këtij tenderi dhe pse më pas kjo shumë prej 15 milion eurosh dhe pse nga një procedurë normale ligjore kishte kaluar në një prokurim të drejtpërdrejtë nga qeveria.

Por, pse firmës pranë Lulzim Bashës i jepet kjo shumë nga qeveria?

Dje, ?Boldnews? raportonte se tenderi duhej të zhvillohej në muajin tetor, pra gati dy muaj përpara se të ndodhte fatkeqësia e tërmetit, por ai u anullua. Proçedura nuk u zhvillua dhe më pas ishte qeveria që me prokurim të drejtpërdrejtë ia dha shoqërisë ?Victoria Invest?, 15 milion euro, së bashku me një kompani italiane, e cila ishte regjistruar në Shqipëri, vetëm tre ditë përpara se të fitonte këtë tender.

Pra, një firme italiane për të bërë një bashkëpunim me një firmë shqiptare i duheshin vetëm tre ditë të regjistrohej dhe pastaj të ishte pjesë e një procedure, e cila do t?iu jepte jo pak, por 15 milion euro.

Kush është ?Victoria Invest??

Është një subjekt i cili lidhet shumë apo është pranë Lulzim Bashës. Është e njëjta e cila kishte në zotërim mercedezin e Lulzim Bashës, një makinë luksoze të cilës i ndërroheshin shpesh targat, për shkak se Basha nuk donte ta pranonte se i ishte dhënë nga biznesmeni Fatmir Kuçi. Një nga më të mëdhenjtë dhe më të fuqishmit në zonën e Elbasanit.

?Victoria Invest? është një nga ato firma që fitoi një pjesë të segmentit të Unazës së re në Tiranë, por nga të vetmet që nuk u akuzua dhe nuk u përfol në asnjë çast nga opozita.

Edhe pse një lot tjetër u anullua, u zhvilluan disa tendera, plasi dhe një skandal, i vetmi lot që nuk pati diskutime, as përplasje ishte ai i fituar nga ?Victoria Invest?, a thua se ai nuk ishte pjesë e Unazës së Tiranës, por ishte diku tjetër.

Po, dje me zbulimin e skandalit, opozita nuk ka folur. Mediat raportuan se ishte zhviluar një prcedurë e dyshimtë.

Pra, tenderi ishte anulluar dhe më pas paratë ishin dhënë me prokurim të drejtpërdrejtë, duke u justifikuar me rastin e fatkeqësisë natyrore.

Por, në fakt qeveria e kishte përgatitur këtë proçedurë përpara se të ndodhte tërmeti dhe do të zhvillonte një tender. Ç?ka tregon se institucionet ishin në dijeni të problematikës dhe po jepnin një zgjidhje të caktuar. Këtë e anuluan dhe pastaj e kanalizuan si gjoja pjesë të strategjisë së pas tragjedisë së 26 nëntorit.

Aty del edhe marrëdhënia e firmës pranë Lulzim Bashës me kompaninë italiane, e cila dyshohet se është një nga kompanitë në lidhje me inceneratorët në Shqipëri, pasi në përshkrimin e saj ajo tregonte se kishte kryer punë në lidhje me mbetjet dhe intertet në Tiranë, Elbasan dhe Fier.

Por, përtej firmës italiane qëndron ?Victoria Invest? e Fatmir Kuçit, qëndrojnë 15 milion eurot e biznesit pranë Lulzim Bashës, kryetarit të opozitës, i cili nuk foli për një segment të Unazës së Re, sepse e kishte ?Victoria Invest?.

Nuk flet për tenderat që fiton ?Victoria Invest? me shtetin shqiptar. Nuk flet për 15 milion euro me prokurim të drejtpërdrejtë, dhënë kompanisë nga qeveria shqiptare, duke anulluar një tender më parë dhe duke i kanalizuar ato në mënyrë direkte.

Nuk flet Lulzim Basha për shuma të tilla, ç?ka ngre shumë dyshime se këto para ndotin kryetarin e Republikës së re, i cili shpesh është akuzuar për selektizëm në denoncimet publike dhe shpesh se e përdor PD-në për të vënë gjoba ndaj biznesit dhe si një kompani private jo në interes të publikut, por për interesat e tij personale dhe të familjes së tij./ CNA.al

Skandali/ Fituesi i tenderit 15 milion euro në Porto Romano u regjistrua në QKB 3 ditë para procedurës