web counter
LEXO PA REKLAMA!

SHKARKO APP

App Store
Google Play

E fundit!

x

Mjekonte të prekurit në Kinë/ Ndërron jetë doktori i parë nga koronavirus

25 Janar 2020, 20:23, Kosova & Bota CNA

Liang Wudong, është doktori 62 vjeçar që ka humbur jetën nga koronavirus.

Doktori u infektua nga virusi në kohën kur mjekonte pacientët në qytetin kinez Wuhan.  Mediat shtetërore në Kinë raportuan se mjeku 62-vjeçar Liang Wudong ndërroi jetë mëngjesin e sotëm.

?Global Global Times? raporton se edhe një mjek tjetër që ishte duke trajtuar pacientë në Wuhan ka ndërruar jetë nga një sulm në zemër gjatë ditës, por nuk është e qartë nëse ishte i infektuar nga virusi. Bëhet fjalë për mjekun 51-vjeçar Jiang Jijun.

Koronavirus, e cila shkakton pneumoni, deri më tani ka marrë jetën e të paktën 41 personave, ndërsa të infektuar raportohet se janë të paktën 1355 persona.

Qeveria kineze rriti përpjekjet për të luftuar epideminë në rritje dhe dërgoi 1230 mjekë shtesë në Wuhan, epiqendrën e shpërthimit, për të lehtësuar barrën për stafin vendor.

Ministria kineze e shëndetësisë urdhëroi gjithashtu masa mbarëkombëtare për të identifikuar dhe izoluar menjëherë rastet e dyshuara të virusit vdekjeprurës në vendet publike.

Qeveria po përpiqet të ndërtojë një spital të ri për të trajtuar krizën, e cila pritet të funksionojë në dy javë./ CNA.al





Lajmet e fundit nga