web counter
LEXO PA REKLAMA!

SHKARKO APP

App Store
Google Play

E fundit!

x

Gjykata e Tiranës pushoi çështjen “CEZ”/ Reagon Shkëlzen Berisha

25 Janar 2020, 15:01, Politikë CNA

Shkëlzen Berisha, djali i ish-kryeministrit Sali Berisha, ka reaguar pas mbylljes së çështjes “CEZ”, për të cilën është thirrur disa herë në gjykatë për të dëshmuar.

Berisha e cilëson hapjen e kësaj çështje si politike, ndërsa thotë se Gjykata e Tiranës e gjeti Edi Ramën pa prova dhe pa fakte, të pabazuara në ligj.

Djali i ish-kryeministrit deklaron se gjytari Lazër Sallaku u detyrua nga PS para dy vitesh që t?i merrte dëshminë.

?I njëjti gjykatës, që pa asnjë provë apo fakt para dy vjetësh, nën presionin politik, urdhëroi marrjen e dëshmisë time, duke e kaluar barrën e provës nga akuzuesi tek i akuzuari, u detyrua të pranojë konkluzionin e prokurorisë (për të dytën herë) se akuza e ngritur nga Grupi Parlamentar i Partisë Socialiste nuk mbështetej në prova, por në shpifje, duke vërtetuar në fakt atë që dihej: ky qe thjesht një sulm i pastër dhe i paprecedent politik.

I gjithë hetimi e posaçërisht provat e mbledhura nga autoritetet çeke me kërkesë të prokurorisë, dhanë përgjigje shteruese se Shkëlzen Berisha nuk ka pasur lidhje me CEZ, as fizikisht, as elektronikisht e në asnjë lloj forme tjetër.

Shkëlzen Berisha, u akuzua dhe kallëzua me urdhër të Edi Ramës nga Grupi Parlamentar i Partisë Socialiste (e paprecedentë në 30 vjet politikë që parlamenti të thërrasë e kallëzojë familjarët e kundërshtarëve politikë) për ndikim të paligjshëm në një proces me të cilin nuk kisha kurrfarë lidhje, pa ASNJË provë apo fakt (sikundër provohet nga vendimi i gjykatës dhe prokurorisë)?, shkruan ai në rrjetet sociale.

Shkëlzen Berisha pretendon se përgjigjet nga Çekia provojnë se nuk kam udhëtuar në Çeki as në kohën dhe as me personat e pretenduar, as për CEZ e as për ndonjë çështje tjetër

?Sot kur e-maili i famshëm mohohet të jetë nisur apo dhe që të ketë ekzistuar, pikërisht nga ata që prezumohet se e kanë nisur, sot kur pas kontrollove të llogarive bankare, tabulateve telefonike e sistemit TIMS, Shkëlzen Berishës nuk i del asnjë lidhje direkte apo indirekte me këtë çështje apo me personat e lidhur me të, nuk mund të mos shtroj pyetjen: Për cilën arsye jam thirrur për të dëshmuar 4 herë para një komisioni parlamentar dhe një herë para prokurorisë??, vijon ai më tej.

Sipas tij, thirrja 4 herë në komisionin parlamentar dhe padia në prokurori, është orkestuar nga kryeministri Edi Rama për të mbuluar akuzën tashmë për korrupsion e tij dhe ministrave të tij, në procesin e largimit të CEZ nga Shqipëria, që sipas dokumenteve të KLSH-së, u kushtoi qytetarëve shqiptarë plot 600 mln euro.

?A është normale që Parlamenti i Shqipërisë të shpërdorohet e abuzohet në këtë mënyrë për të goditur jo vetëm kundërshtarët politikë, por dhe familjaret e tyre pa asnjë provë apo fakt?

A është normale që një gjykatë apo prokurori nën presionin politik, të thërrasë një qytetar për të dëshmuar para se të administrojë në mënyrë të ligjshme prova që prezumohet se kanë shërbyer si indicie se ky qytetar mund të ketë pasur dijeni për rrethana të caktuara??, shtron pyetjet ai.

Berisha deklaron se dje gjykata, me kërkesë të prokurorisë, vendosi të rrëzojë akuzën e Edi Ramës si politike e të pabazuar në ligj, por kjo nuk është drejtësi.

?Drejtësi do të ketë ditën kur, regjisori dhe zbatuesi i këtij teatri të shëmtuar e bajat të përballen me ligjin jo vetëm për koncesionet korruptive dhe shpërblimet e trafikantëve të drogës që u financojnë pushimet në këmbim të tenderave, jo vetëm për ?përlarjen? e 600 milionë eurove në marrëveshjen korruptive te largimit te CEZ nga Shqipëria, por dhe për shpërdorimin e detyrës e konkretisht atë të instrumentalizimit të Parlamentit të Shqipërisë dhe drejtësisë si ?armë? kundër familjarëve të kundërshtarëve politikë?, nënvizon djali i ish-kryeministrit./ CNA.al





Lajmet e fundit nga