web counter
LEXO PA REKLAMA!

SHKARKO APP

App Store
Google Play

Bamir Topi zbulon sekretin/ “Në 21 janar më ndiqnin me makinë, isha në kushtet e një arresti shtëpiak”

24 Janar 2020, 21:04, Politikë CNA

Ish presidenti Bamir Topi ka folur për ngjarjen e bujshme të 21 janarit 2011, ku mbetën viktimë 4 protestues.

Topi tha se 21 janari është ngjarja më e rëndë e tranzicionit shqiptar, pasi theksoi se palët ishin në një konflikt të hapur.

?Pas ngjarjes së 21 Janarit palët ishin në një konflikt të hapur. Polemikat ishin jashtë çdo etike në komunikim. Në atë periudhë është ngritur një komison hetimor parlamentar për të hetuar një puç. Në këtë moment ka pasur një ndërhyrje të faktorit ndërkombëtar.

Ka ardhur në atë kohë edhe ndihmës sekretari i SHBA, kanë qenë vizita që krijuan një shqetësim të madh tek ata. Duke iu rikthyer atyre momenteve, ulja e tensionit, rifillimi i funksionimit të institucioneve, erdhi si pasojë e ndërhyrjes së faktorit ndërkombëtar?, u shpreh Topi në emisionin ?Java? në TVSH.

Teksa u pyest nëse mendon se SPAK do ta hetojë këtë çështje, ish-presidenti tha: ?Për 21 Janarin duhet të kishte një gjyq të fortë politik dhe duhej të realizohej në parlamentin që mori jetë në vitin 2013. Nëse duhet të gjykohet apo jo, duhet ta shohë drejtësia?.

Ndër të tjera, Topi ka treguar se në këtë kohë, atë e ndiqnin nëpër rrugët e Tiranës sapo ulej në timonin e  makinës. Ai theksoi se asnjëherë nuk e ka denoncuar kërtë fakt, edhe pse ishte në kushtet e një arresti shtëpiak.

?Asnjëherë në jetën time nuk kam tentuar t?i finalizoj gjërat në këtë mënyrë. I gjithë informacioni që vinte mbi bazën e një institucioni kushtetues. Presidenti në atë kohë  ka qenë në kushtet reale faktike të një arresti shtëpiak?, deklaroi ish-presidenti./ CNA.al





Lajmet e fundit nga