E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

Sa është numri i kryebashkiakëve që përdorin kokainë?

23 Janar 2020, 09:28, Politikë CNA

Gazetari Artan Hoxha nëpërmjet një video-regjistrimi të bërë në një ambient publik, tregoi se kryetari i Bashkisë së Bulqizës ishte një përdorues i lëndëve narkotike.

Nga ana e tij kreu i Bashkisë e mohon videon e publikuar, por ajo tregon qartë kryebashkiakun duke zhytur kokën në kokainë.

Nga ana tjetër, raportohet se me shumë gjasa ka edhe të tjera filmime më të zgjeruara, por duket se çështja tashmë nuk i përket një lufte politike, të cilën e pretendon kryebashkiaku i Bulqizës, që dje deklaroi se ishte një montazh i organizuar nga PD-ja, dhe pritet reagimi i qeverisë.

Por, ajo që dje kaloi pa marrë vëmendjen e duhur, nga mediat, është një detaj.

Gazetari Artan Hoxha deklaroi se ishin disa kryebashkiakë të cilët kishin çuar njerëzit apo miqtë e tyre tek Artan Hoxha, për ta pyetur se kush ishte në këtë video, në momentin që ai në muajin nëntor të vitit të kaluar, disa ditë para tërmetit të 26 nëntorit, kishte deklaruar në emisionin ?Opinion? në Tv Klan se kishte kryebashkiakë që përdornin lëndë narkotike dhe për këtë ai ishte duke bërë edhe verifikimin e një video, për ta publikuar së shpejti.

Ndodhi që video u shty për gati dy muaj për shkak të tërmetit, pasojave të tij dhe për shkak të situatës në Shqipëri dhe dje u publikua.

Hoxha tha se ishin disa kryebashkiakë që e kishin pyetur se kush ishte në video. Dhe pyetja që lind është, për çfarë arsye disa kryebashkiakë shkojnë dhe pyesin një gazetar se kush është personi që përdor kokainë?

Janë edhe vetë përdorues apo e kanë nga kurioziteti?

Sepse një kryetar Bashkie i cili nuk është një përdorues, nuk ka asnjë arsye të interesohet për një video, ku atje shfaqet dikush që përdor kokainë, sepse ai që nuk e përdor nuk ka pse ta dijë fare se kush është. Ai shikon punën e tij dhe informacioni publikohet.

Por, disa prej tyre kanë çuar dërgata tek Artan Hoxha, disa prej tyre kanë kërkuar të mësojnë emrin, disa kanë tentuar të ofrojnë dhe para në parim për të bërë pazar, edhe pse nuk e kanë ditur se kush është në video.

Pra, Lefter Alla është një nga përdoruesit e kokainës, është një nga kryebashkiakët që përdor lëndë narkotike dhe nuk është i vetmi.

Faktin e tregoi Artan Hoxha dje. Fakti është i provuar se disa kryebashkiakë kanë çuar njerëz për të pyetur dhe për të marrë vesh se kush është personi në këtë video.

Disa prej tyre mund të jenë dhe kuriozë, por disa prej tyre mund të jenë edhe përdorues. Tashmë ngelet vetëm të konfirmohet se kush janë këta persona, megjithëse pas publikimit të videos së djeshme do të jetë edhe më e vështirë për ti publikuar apo identifikuar emrat e tyre.

Por, fakti është se Shqipëria ka 61 bashki, nga të cilët janë rrëzuar nga dekriminalizimi pesë prej tyre. Pra janë 56 kryebashkiakë, që midis tyre ka përdorues droge.

Numri i saktë nuk dihet dhe këtë e zgjidh vetëm testi i droges./ CNA.al

Të tjera filmime për kryebashkiakun e Bulqizës

Kryebashkiaku duke thithur kokainë/ Publikohet video skandaloze