E fundit!

17:40 Aktualitet

"E ka fituar dhe një prej kumbarëve të qeverisë në takimin e Arubës"/ Këlliçi: Të anulohet procedura për Milot–Balldren

Nënkryetari i Partisë Demokratike, Belind Këlliçi është sh...

“Kjo mbetje e kashtës së Milanos fashiste”/ Veliaj nuk heq dorë nga Teatri, tregon se kur do të shembet

23 Janar 2020, 10:34, Politikë CNA

Pavarësisht rezistencës së artistëve, kryebashkiaku i Tiranës, Erion Veliaj duket se nuk ka ndërmend të tërhiqet nga projekti për shembjen e Teatrit Kombëtar.

Sot, kryebashkiaku i Tiranës nuk ka nguruar ta cilësojë Teatrin si ?mbetje e kashtës së Milanos fashiste?, dhe ritheksoi se ai do të shembet së shpejti.

?Jam shumë i vendosur të vazhdojmë me Teatrin e Ri. Për të gjithë ata që thonë kur do prishet, kjo nuk është sipas qejfit, por sapo të kenë mbaruar të gjitha procedurat, sapo të shkojë në Parlament kontrata e re, të jepet leja për Teatrin e ri dhe ne do të kemi teatrin më të bukur në të gjithë Europën Juglindore. Tirana e meriton që në 100 vitet te ardhshme të mos shkojë në teatër me batanije dhe qytetaret të rrethohen nga mbetjet e kashtës dhe shkrepëseve të Milanos fashiste?, tha Veliaj.

Nga ana tjetër Aleanca për Mbrojtjen e Teatrit ka vendosur që të mbrojë deri në fund godinën dhe madje duke e rikthyer atë në gjendje pune përmes vendosjes në skenë në shfaqjeve të ndryshme.

Po ashtu, edhe ?Europa Nostra?, një organizatë që mbron objektet kulturore në Europë, iu drejtua me një letër Presidentit, kryeministrit dhe kryebashkiakut të Tiranës ku njoftonte se Teatri Kombëtar ishte shpallur nga ata si një ndër ?7 vendndodhjet më të rrezikuara? dhe bënte thirrje për ruajtjen e godinës.

?Asnjë nga 29 vendndodhjet e përzgjedhura më parë në programin ?7 vendndodhjet më të rrezikuara? është prishur dhe do të ishte risi nëse një fat i tillë i mjerueshëm do të ishte rezervuar për Teatrin Kombëtar të Shqipërisë?, shkruhej në letrën drejtuar Ramës, Veliaj dhe Metës.

Por, sërish Veliaj nuk është tërhequr, ndërsa paralajmëron se ?Për të gjithë ata që po lodhen aty, për mua rrini sa të doni , po nuk do ju?a bëjmë pa ditur, do ju lajmërojmë ditën që do të fillojë ndërtimi i Teatrit të ri?./ CNA.al