web counter
LEXO PA REKLAMA!

SHKARKO APP

App Store
Google Play

Përplasjet për Kushtetuesen/ Meta “dhëmb për dhëmb” me mazhorancën

23 Janar 2020, 13:48, Politikë CNA

Presidenti Ilir Meta i është drejtuar Komisionit të Venecias ?Për dhënien e një opinioni mbi procesin e zgjedhjes së anëtarëve të Gjykatës Kushtetuese në Republikën e Shqipërisë?

Në një deklaratë për mediat, Meta shprehet se nga Kuvendi nuk ka pasur asnjë reflektim ndaj këshillave të Komisionit të Venecias.

Sipas Metës, të dhënat e shtrembëruara dhe pyetjet vetësugjeruese të Kuvendit synojnë lexim të gënjeshtërt të situatës.

?Presidenti dërgoi informacion të plotë të dokumentuar, dhe një listë pyetjesh që qartësojnë kushtetutshmërinë e veprimeve të secilit. Përse kërkoi Venecia përcaktimin në Kushtetutë dhe ligj të rradhës së emërimeve?

Mosrespektimi i radhës a përbën shkelje të gërmës së Kushtetutës?

Cila dispozitë kushtetuese parashikon që një institucion të emërojë disa gjyqtarë kushtetues njëkohësisht??-thuhet në deklaratë.

Më tej, Meta thekson se vazhdimisht ka kërkuar bashkëpunim dhe zbatim të Kushtetutës, por ka pasur refuzim nga ana e mazhorancës.

Sipas kreut të Shtetit, Kuvendi kërkon të marrë kompetencat e Kushtetueses.

?Presidenti kërkoi vazhdimisht bashkëpunim dhe zbatim të Kushtetutës!

Mazhoranca refuzoi bashkëpunimin dhe çoi deri në fund skenarin e saj.

Kuvendi tentoi rrëmbimin e kompetencave kushtetuese të Presidentit me qëllim kapjen e Gjykatës Kushtetuese!

Kur Qeveria, Kuvendi, të gjitha Bashkitë, Këshillat Bashkiakë dhe thuajse të gjitha institucionet e pavarura, janë në duart e një partie të vetme: a i shërben kapja e Gjykatës Kushtetuese interesit politik për t?iu shmangur kontrollit dhe llogaridhënies?

Shqipëria në çekuilibër të plotë të mekanizmave të kontrollit dhe balancës, rrezikon kapjen totale të shtetit!?-deklaron Meta./ CNA.al





Lajmet e fundit nga