web counter
LEXO PA REKLAMA!

SHKARKO APP

App Store
Google Play

E fundit!

x

Kthimi i paketës së censurës/ Çipa përshëndet vendimin e Metës: Prioritet t'i jepet vetërregullimit

12 Janar 2020, 20:38, Politikë CNA

Kreu i Unionit të Gazetarëve Shqiptarë, Aleksandër Çipa, i ftuar në studion e lajmeve në RTV Ora, përshëndeti kthimin në Kuvend të paketës së censurës nga ana e Presidentit të Republikës, Ilir Meta ndërsa theksoi se prioritet duhet t’i jepet vetërregullimit.

?Ne nuk jemi për rregullimin, por jemi për prioritet ti jepet vetërregullimit. Nga ana tjetër rregullimi të jetë gjithmonë në përputhje me ndërgjegjen reale të  komunitetit profesionist të gazetarëve dhe inkurajimin e atyre mekanizmave vetërregulluese, të cilat e ekspozojnë qëndrimin profesional të komunitetit tonë. Deri tani kjo gjë nuk është bërë.

Presidenti i Republikës, në pikëpamjen juridike e ka argumentuar se ku qëndrojnë devijacionet që shkaktohen prej kalimit të një pakete të tillë antishpifje dhe rreziqet që ofrohen për shkak të kontributeve që i jepen AMA dhe AKEP-it për t’i shndërruar ato në modelet e agjencisë së censurës dhe inkurajues të vetë censurës.

Nga ana tjetër ne ndajmë të njëjtin arsyetim kur bëhet fjalë edhe për kërcënimin e lirisë së shprehjes dhe rreziqet apo kontestimet që i bëhen legjislacionit kushtetues në mbrojtje të lirisë së shprehjes në Shqipëri.?/CNA.al





Lajmet e fundit nga