E fundit!

10:29 Politikë

Vrasja e efektivit në Maliq/ Kuvendi mban 1 minutë heshtje

Kuvendi i Shqipërisë ka nisur seancën e sotme duke mbajtur...

Nëntë mitet e gabuara mbi ushtrimet fizike

2 Janar 2020, 09:50, Aktualitet CNA

Futja e disa ushtrimeve fizike në jetën tonë shumë të zënë me aktivitete te tjera, mund të jetë diçka e vështirë, pavarësisht qëllimeve më të mira. Ka shumë arsye pse dikush nuk merret me sport, dhe një numër të madh keqkuptimesh mbi aktivitetin fizik. Ja cilat janë disa prej tyre, dhe çfarë thotë shkenca për to:

1. Kam qenë dikur në formë, ndaj s?kam më nevojë të stërvitem

Mjerisht, përfitimet shëndetësore nga aktiviteti fizik nuk zgjasin, në rast se nuk vazhdoni të merreni më. Reduktimi i konsiderueshëm, apo edhe braktisja e plotë e aktivitetit fizik, mund të shkaktojë një humbje të dukshme të përfitimeve fillestare. Çelësi është tek qëndrueshmëria. Ndaj merruni me aktivitete të ndryshme fizike, dhe sigurohuni t?i vazhdoni ato përherë.

2. Qëndrimi gjatë gjithë ditës më këmbë, nuk ka të njëjtat përfitime si stërvitja

Të qëndrosh në këmbë, dhe të lëvizësh gjatë gjithë ditës, do të thotë të kesh një nivel të lartë të aktivitetit fizik. Dhe kjo është diçka e mirë për shëndetin. Për t?i maksimizuar këto përfitime, rrisni nivelin e stërvitjes, kur është e mundur të paktën 150 minuta në javë.

3. Duhet të stërviteni të paktën 10 minuta ose më shumë, përndryshe është vetëm humbje kohe

Udhëzimet e fundit, e kanë eliminuar nevojën për ta përqendruar në seanca të paktën 10-minutëshe. Nuk ka një prag minimal për përfitime shëndetësore, pra të qenit i angazhuar në aktivitete normale të përditshme, si transporti i çantave të pazarit, puna në kopsht, ose pastrimi në shtëpi, për të përmirësuar shëndetin tuaj.

4. Vuaj nga një sëmundje kronike, ndaj duhet të shmang marrjen me sport

Të qenit fizikisht më aktivë sjell përfitime për disa sëmundje kronike, përfshirë tumoret, sëmundjet e zemrës dhe ato pulmonare. Ndaj jini aq aktivë sa ju lejon gjendja juaj, duke synuar 150 minuta aktivitet fizik të moderuar në javë, nëse është e mundur. Nëse keni nevoja të veçanta shëndetësore, kërkoni këshillën e mjekut përpara se të filloni një program të ri ushtrimesh.

5. Jam shumë i moshuar për të ecur

Shumë të dhëna tregojnë se plakja, nuk është shkaku në vetevete i problemeve të mëdha deri në moshën 90-vjeçare. Dhe forca, fuqia dhe masa muskulore mund të rritet, madje edhe në një moshë më shumë të thyer. Nese jeni 65-vjeç ose më i moshuar, duhet të merreni me ushtrime aerobike, stërvitje për ekuilibrin, dhe forcimin e muskujve.

6. Ushtrimi fizik do të më dobësojë

Jo domosdoshmërisht. Kombinojeni kufizimin e kalorive me aktivitetin fizik, për të pasur një shans më të mirë për të rënë në peshë. Dhe mos harroni:nga një dietë e keqe nuk ka asnjë rrugëdalje. Njerëzit që synojnë të humbasin shumë në peshë (më shumë se 5 për qind të peshës së përgjithshme trupore), dhe ata që përpiqen të mos marrin shumë peshë, duhet të bëjnë më shumë se 300 minuta në javë aktivitet fizik të moderuar, për të arritur qëllimin e tyre.

7. Vrapoj një herë në javë, por kjo nuk është e mjaftueshme

Çdo lloj vaprimi, qoftë edhe një në javë, sjell përfitime të rëndësishme shëndetësore. Nëse nuk keni shumë kohë për t?u marrë me port, edhe vetëm 50 minuta vrapim një herë në javë me një shpejtësi prej rreth 9.65 km/h, shoqërohet me një ulje të rrezikut nga vdekja e parakohshme.

8. Jam shtatzënë, prandaj duhet të jem e qetë

Aktiviteti fizik me një intensitet të moderuar, është mëse i sigurt për gratë shtatzëna që janë përgjithësisht të shëndetshme, dhe që nuk paraqesin rrezik për mirëqenien e fetusit. Aktiviteti fizik, zvogëlon rrezikun e shtimit të shtimit shumë në peshë, dhe diabetit xhestacional gjatë shtatëzanisë.

9. Nuk ndihem mirë, ndaj nuk duhet të merrem me aktivitete fizike

Nëse keni ethe, shumë dhimbje, apo ndiheni shumë të lodhur, mos e sforconi veten. Në shumicën e rasteve, ushtrimi fizik është diçka e sigurt, por ?dëgjojeni? trupin tuaj, dhe zvogëlojeni ngarkesën në punën që bëni. Dhe nëse keni mundësi, vishuni dhe lëvizni sa më shpejt që të jetë e mundur për të shmangur ?paralizën e pizhamave?./ Galileonet.it-Përshtatur nga CNA.al