Kryesimi i OSBE/ Ish-ministri i Jashtëm: Rama e ka katandisur në një karikaturë

2 Janar 2020, 12:07, Politikë CNA

Dje Shqipëria mori zyrtarisht kryesimin e OSBE-së dhe vetëm një ditë më pas ish-ministri i Jashtëm Tritan Shehu akuzon kryeministrin Edi Rama se e ka katandisur kryesimin e OSBE në një karrikaturë.

Duke iu referuar Bundestagut, Shehu thotë se Rama e ka futur vendin në krizë politike e institucionale dhe pretendon se nuk është i denjë për të drejtuar OSBE-në.

?Shqiperia ne krize? do te kryesoje OSBE, ky eshte titulli ironik i mediave ndaj marjes dje te drejtimit te asaj organizate.
Duhej te ishte ky nje mundesi promocioni per ne dhe nje mesazh per OSBE-ne, kur ne fakt po kthehet ne nje komedi.
OSBE eshte nje organizem qe kerkon te nxjerre nga krizat ata qe jane, Rama e ka futur vendin ne nje «krize politike e institucionale» sipas Bundestagut.
OSBE ka prioritet zgjedhjet e lira e te ndershme, Rama ka zhvilluar zgjedhje te blera politike dhe nje farse «votimi» me 2019, sipas vete OSBE.
OSBE lufton per nje drejtesi eficiente, etja e Rames per ta kontrolluar ate na ka cuar ne nje dekapitim te atij sistemi, pa Gjykate te Larte e Kushtetuese.
OSBE ka si flamur pluralizmin, Rama sot perdor nje Parlament monist e antikushtetues 122-sh, me 42 «pupace» ne ate, nje qeverisje lokale sovjetesh,etj.
OSBE ka prioritet lirite e medias, te njeriut, ndersa Rama miratoi ne ate Parlament nje ligj te tipit «agjitacion e propagande», deporton individe pa asnje transparence e vendim gjykate….?, thotë ish-ministri i Jashtëm.

Sipas tij, ky rast është i humbur dhe na vendos ne në rolin e ?bedelit?.

?Kështu mund të vazhdohet deri te nevoja që ka OSBE për të patur si interlokutore një Ministri të Jashtme serioze e profesionale!
Ndërsa Rama e ka katandisur dhe atë në një ngrehinë, që nuk luan asnjë rol…që as nuk dihet se cilin ka për Ministër.
Në këto kushte ky rast i humbur veçse na vendos në rolin e «bedelit» duke na bërë qesharake, si dhe komprometon atë institucion prestigjioz?, thekson Shehu./ CNA.al