LEXO PA REKLAMA!

SHKARKO APP

Luan Rama bën thirrjen e fortë/ Luftën e ka të humbur, t'i tregojmë vendin këtij regjimi kriminal

13 Dhjetor 2019, 12:53, Politikë CNA

Nënkryetari i LSI-së, Luan Rama ka folur me tone të forta, kundër projektligjit të qeverisë për mediat, i njohur ndryshe si paketa ?Anti-shpifje?.

Në një deklaratë për mediat, Luan Rama tha se koha e ka treguar se çdo regjim e ka të humbur luftën me mediat dhe i tillë do të jetë edhe fati i regjimit të sotëm.

?Historia e demokracisë ka shembuj të jashtëzakonshëm të luftës së medias ndaj regjimit. Luftën me mediat e kanë humbur gjithmonë regjimet dhe do ta humbë edhe ky regjim, i cili edhe në kushtet e fatkeqësisë gjen kohë dhe energji të merret me luftën kundër fjalës së lirë?-tha Luan Rama.

Më tej, ndërsa theksoi se çështja e fjalës së lirë nuk është vetëm çështje e atyre që punojnë në media, apeloi që të gjithë të bëhen bashkë dhe ti tregojnë vendin këtij regjimi, të cilin ai e cilëson si kriminal.

?Çështja e fjalës së lirë nuk është vëtëm e atyre që punojnë në media, nuk është vetëm çështja e gazetarëve, editorëve dhe botuesve. Çështja e lirisë së shprehjes është çështja e gjithë shqiptarëve. Prandaj të gjithë njerëzit e këtij vendi duhet të jenë bllok bashkë për ti treguar vendin këtij regjimi kriminal?-deklaroi Luan Rama./ CNA.al

Lajmet e fundit nga