LEXO PA REKLAMA!

SHKARKO APP

Ahmetaj ministër për Rindërtim/ Reagon opozita: Rama do vjedhë në kulmin e fatkeqësisë

13 Dhjetor 2019, 12:51, Politikë CNA

Nën kryetari i PD, Edi Paloka ka reaguar pas propozimit të Ramës për emërimin e Arben Ahmetajt si ministër Shteti për Rindërtim.

Sipas Palokës, ?emërimi i Ahmetajt është treguesi më i qartë se ky kryeministër kërkon ta vjedhë këtë popull në kulmin e fatkeqësisë?.

?Caktimi i Ahmetajt si personi që do të menaxhonte ndihmat financiare, ngjalli menjëherë reagim jo vetëm nga opozita. Ahmetaj eshte nga ish-ministrat më të akuzuar për korrupsion në një qeveri dhe administratë që vetëm pak ditë më parë u shpall nga organizmat ndërkombëtarë si një nga qeveritë më të korruptuara në botë.
Por kjo jo vetëm nuk e frenon Ramën po përkundrazi si në çdo rast tjetër, është kriter për ta emëruar Ahmetajn prapë ministër që do të menaxhoje paratë e ndihmave. E kjo ndodh pikërisht ditën që BE vendos për zhvillimin e konferencës së donatorëve.
Në këtë moment , ky kryeministër që e ka çuar vendin drejt rrënimit të gjithanshëm ; politik, ekonomik e social po kërkon ta grabisë dhe në kulmin e tragjedisë. Shikimi i tij në këto momente nuk shkon tek njerëzit në fatkeqësi por tek milionat që shpreson të marre nga bota, jo që t?i përdorë për shqiptarët, por si një mundësi tjetër për të vjedhur?, shkruan Paloka.

Sipas tij, emërimi i Ahmetajt është prova e nuk ka nevoje për të tjera.

?Uroj që donatoret( siç kanë bërë deri më sot që nuk i kane besuar qeverisë) të kontrollojnë vetë e t?i venë ndihmat në funksion të shqiptareve e mos i lenë në dorë të grabitqarëve. Mëkatet e kësaj qeverie me shqiptaret jane boll të renda, mos i lejoni ta bëjnë dhe këtë?, shkruan mes të tjerash Paloka./CNA.al

Lajmet e fundit nga