web counter
LEXO PA REKLAMA!

SHKARKO APP

App Store
Google Play

Basha pranë familjeve të prekura nga tërmeti/ Thirrje qeverisë: Shpallni gjendjen e jashtëzakonshme

26 Nëntor 2019, 15:08, Sociale CNA

Kryetari i PD, Lulzim Basha ka përsëritur thirrjen ndaj qeverisë për të mos u vonuar asnjë çast me shpalljen e gjendjes së jashtëzakonshme dhe për të mbështetur operacionet e emergjencës me bazë materiale adekuate.

Basha ka shprehur mbështetjen e tij ndaj çdo qytetari dhe punonjësi që ka ndihmuar ndaj personave të prekur nga tërmeti.

Përmes një statusi në ?Facebook?, ai deklaron se se do të gjendet pranë ddo familje që po kalon këtë fatkeqesi.

?Pas Thumanës, pranë familjeve dhe banorëve të Durrësit. E kam të vështirë të gjej fjalë për dhimbjen që prek dhe ndjej tek prindërit dhe të afërmit që kanë humbur më të dashurit e tyre. Por po kaq i prekur jam nga kurajo dhe solidariteti i njerëzve, që megjithë tronditjen, gjejnë forcë për të ndihmuar, për t?iu gjendur pranë bashkqytetarëve dhe familjeve në fatkeqësi.
Mirënjohje dhe mbështetje totale për çdo qytetar, mjek, infermier, punonjës policie, personelin e strukturave të emergjencës dhe të forcave të armatosura që megjithë kushtet dhe rrethanat e rënda po sakrifikojnë për të goditurit nga tragjedia.
Nga Durrësi përsëris thirrjen ndaj qeverisë për të mos u vonuar asnjë çast me shpalljen e gjendjes së jashtëzakonshme dhe për të mbështetur operacionet e emergjencës me bazë materiale adekuate.
Vëllezër dhe motra, të bëjmë gjithçka për të ndihmuar dhe për t’ju gjendur pranë çdo bashkëqytetari që ka humbur të afërmit, për ata që janë akoma nën rrënoja, me shpresën dhe lutjet për jetët e tyre, për të lënduarit dhe për të dëmtuarit nga kjo fatkeqësi.
Të gjithë në këmbë, ti japim dorën e ndihmën njëri-tjetrit, pa kushte dhe pa kursyer asgjë. Të bashkuar si një familje e madhe, do t?a kalojmë këtë fatkeqësi.
Zoti ju bekoftë ju dhe familjet tuaja?, shkruan Basha në një postim në Facebook./CNA.al





Lajmet e fundit nga