web counter
LEXO PA REKLAMA!

SHKARKO APP

App Store
Google Play

E fundit!

x

Monika Kryemadhi shpërthen kundër Dvoranit/ Denoncon konspiracionin me Gjykatën Kushtetuese

15 Nëntor 2019, 19:24, Politikë CNA

Kryetarja e LSI-së, Monika Kryemadhi, ka qenë e ftuar në studion e lajmeve të radios “Zeri i Amerikës” ku ka folur, ndër të tjera, dhe për zhvillimet më të fundit për kompletimin me anëtarë të Gjykatës Kushtetuese.

Ndërsa vlerësonte situatën, Kryemadhi ka shpërthyer me tone të ashpra ndaj Adrian Dvoranit, kryetarit të Këshillit të Eërimeve në Drejtësi(KED), por dhe ka hedhur dritë mbi prapaskenat e “luftës së ftohtë” për kontrollin e kësaj maje të drejtësisë shqiptare, duke denoncuar konspiracionin e personave që fshihen pas kuintave.

“Kemi një përballje midis Marsida Xhaferllarit dhe Arta Vorpsit. Me ç?të drejtë zoti Dvorani publikon vendimet e KED në fletoren zyrtare, në çfarë ligjesh është bazuar?

Sepse sipas ligjit të shkruar në Kushtetutë nuk ekziston që Dvorani të botojë vendimet. Kush është personi që ia ka bërë këtë gjë?

Cilat janë lidhjet e zotit Dvorani me Drejtoreshën e Qendrës së Publikimeve? A mos ndoshta bashkëshortja e Maks Haxhisë është drejtoresha e Publikimeve që nuk ka publikuar dekretet e Presidentit dhe publikon vendimet e zotit Dvorani që janë të paligjshme?

A mund të ketë një lidhje mes avokatit të Saimir Tahirit dhe Dvoranit, edhe në kapjen e procesit të Gjykatës Kushtetuese?

A është ky qëllim i zotit Ëngjell Agaçi, i zotit Maks Haxhia dhe i zotit Dvorani, të cilët kanë përdoruar zotin Rama për të mos lejuar, prej dy vitesh, të ngrihet Këshilli i Emërimeve në Drejtësi, derisa të vinte Dvorani dhe të bëhej kryetar i KED?

A vjen i gjithë ky proces për mosfunksionimin e Gjykatës Kushtetuese në mënyrë që Dvoranit ti vijë sërish mundësia që nga KED ti vijë radha për të kandiduar dhe për të qenë anëtar i Gjykatës Kushtetuese?

Kur Palmer ka qenë në zyrën e LSI-së në 9 prill ka thënë që muaji korrik do t’ju gjejë me Gjykatë Kushtetuese. Sot, pas kaq muajsh, pas një këmbëngulje të fortë, pas një lëvizje të jashtëzakonshme të shumë individëve, që janë pro shqiptarë dhe duan të ngrihen me urgjencë institucionet e drejtësisë, vetëm në këtë mënyrë do ndalojmë largimin e shqiptarëve dhe kapjen e ekonomisë nga krimi i organizuar”, ka zbuluar Monika Kryemadhi./ CNA.al





Lajmet e fundit nga