web counter
LEXO PA REKLAMA!

SHKARKO APP

App Store
Google Play

E fundit!

x

“Të hënën e çoj në Prokurori”/ Dvorani i përgjigjet “kërcënimeve” të Metës

15 Nëntor 2019, 16:20, Politikë CNA

Kryetari i KED-së Ardian Dvorani ka reaguar lidhur me paralajmërimin e presidentti Meta, i cili njoftoi se ditën e hënë do të depozitojë kallëzimin penal në Prokurori kundër kryetarit të Këshillit të Emërimeve në Drejtësi. Kjo sipas Metës për dy vepra penale, shpërdorim detyre dhe përvetësim të detyrës në lidhje me ngërçin që është krijuar me zgjedhjen e anëtarëve të Gjykatës Kushtetuese.

Duke ironizuar këto deklaratas të Metës, Dvorani thekson se më në fund Presidenti po e ushtron një të drejtë që Kushtetuta dhe ligji ia njeh kujtdo.

?Në media po mësoj se zoti President, ka vendosur apo po mendohet në fundjavë e deri të hënën, që të bëjë kallzim penal ndaj meje.

Së paku, vërej se, si çdo shtetas a funksionar tjetër, më në fund e në këtë rast, Presidenti po e ushtron një të drejtë që, gjithsesi, Kushtetuta dhe ligji ia njeh kujtdo.
Ndërsa unë, si çdo shtetas dhe funksionar tjetër, i nënshtrohem Kushtetutës dhe ligjeve penale të vendit tim.
Edhe këtë detyrim duhet ta pranoj si kushdo tjetër, pa u justifikuar dhe pa u shmangur me lojra mediatike dhe procedurale përballjes me ligjin, një fenomen ky që jo pak herë ka ndodhur me njerëz të pushtetshëm në çdo kuptim të fjalës.
Respektimi i barazisë para ligjit dhe zbatimi i tij i barabartë për të gjithë ishte nevoja dhe një nga sfidat më të mëdha për të cilën u miratua dhe po fillon të zbatohet hap pas hapi Reforma në Drejtësi.?, shprehet Dvorani./CNA.al

 

 





Lajmet e fundit nga