E fundit!

10:25 Aktualitet

Paketa e Maleve/ Rama u përgjigjet sharësve në rrjetet sociale

Kryeministri Edi Rama ka folur për Paketën e Maleve dhe ak...

Anëtarja e KLP kap “mat” kandidaten për kryeprokurore

13 Nëntor 2019, 10:50, Politikë CNA

Prokurorja Fatjona Memçaj, e cila është një ndër kandidatët që garon për Prokuror të Përgjithshëm po raporton para Këshillit të Lartë të Prokurorisë.

Gjatë fjalës së saj Memçaj tha se zbatimi i ligjit është prioriteti i saj.

?Unë kam frikë ligjin dhe ndaj e quan veten një prokuror i mirë dhe shkeljen e tij nuk ia lejoj vetes ta bëj. Prokuroria shqiptare deri më tani është sulmuar për këtë që nuk respekton të drejtat e njeriut. Po akuzohem se favorizojmë të fortët dhe sulmojmë të dobëtit! Para ligjit janë të gjthë të barabartë?-tha ndër të tjera Memçaj.

Por, pas fjalës së saj ka reaguar anëtarja e KLP-së, Nurihan Seiti e cila e ka kapur ?mat? kandidaten për kryeprokurore, ndërsa ka përmendur dy institucione, që sipas saj kanë shkelur ligjin, për emërimin e Fatjona Memçajt në pozicionin që ajo mban sot.

?Po iu dëgjoja me vëmendje. Ju thatë nuk shkel ligjin. Por emërimi juaj në pozicionin që keni sot ka detyruar dy institucione, Prokurorin e Përgjithshëm dhe Presidentin të shkelin ligjin duke iu emëruar ju, sepse ju nuk plotësonit 7 vite eksperiencë . Çfarë mendoni atëherë për veten tuaj ? Ka ndonje vlere te jashtezakonshme profili juaj që këto dy instiucione kanë arritur tju propozojnë dhe dekretojnë?”-ishte pyetja e anëtares së KLP.

Memçaj tha se nuk ka shkelje, por interpretim të ligjit.

?Kjo është në konceptin si ju e keni vlerësuar. Për mua nuk ka pasur shkelje ligji. Kam konkuruar në të tre nivelet. Kam marrë 5 nga 6 votat e nevojshme. Mbi këtë votim në Këshill jap propozuar nga Kryeprokurori tek Presidenti dhe pasi Presidenti ka dëgjuar gjithçka është diskutuar në Këshill ka lëshuar një dekret.

Shkak që ka ekzistuar kjo që ju thoni janë shkaqe të tjera. Nuk ka të bëjë me ligjshmërinë e atyre që më kanë emëruar. Kam kaluar në Këshill, një Prokurori dhe Presidentin. Nuk ka pasur shkelje për interpretim që në gjykimin tim ka qënë i drejtë?-tha Memçaj./ CNA.al