E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Akuzat për lobim rus/ Ristani zbardh detaje nga hetimi: Një shumë e tillë ska qenë kurrë në arkën e PD

12 Nëntor 2019, 20:36, Politikë CNA

Ish sekretari i Përgjithshëm i PD-së, Arben Ristani, ka komentuar akuzat e bëra ndaj tij nga prokuroria për falsifikim në çështjen penale të lobimit të PD-së në SHBA, me financime ruse.

Në një intervistë për ?Repolitix?, Ristani shprehet se nuk ka qenë në dijeni të firmosjes së kontratës së lobingut midis Bashës dhe Muzin, për këtë arsye ai nuk ka firmosur apo vulosur në atë dokument.

Sipas ish sekretarit të Përgjithshëm i PD-së, një shumë e tillë prej 600 e ca mijë dollarësh nuk ka qenë kurrë në arkën e PD-së.

?Tek ne drejtësia ka rënë. Nuk kemi më check and balance. Drejtësia është e ndikuar nga politika. Prokuroria e nisi çështjen pas disa aludimeve në media për çështjen e lobimit.

Nga tetori-nëntori i 2017, i kam nisur një shkresë prokurorisë, ku pasi i sqaroj çështjen e financimeve, i kam kërkuar që të vijojnë dhe të thellohen në verifikimet e tyre, për shkak edhe të fjalëve që kanë dalë në media. Kjo shkresë është i vetmi dokument zyrtar i firmosur nga unë.

Ajo që ka ndodhur, pra që akuzohemi, është një kontratë e firmosur midis kreut të partisë, Basha, me një lobist amerikan, Muzin, 25 mijë dollarë. Në kontratë është bërë pagesa konform ligjeve të vendit dhe më pas është deklaruar.

Unë nuk kam firmosur në këtë marrëveshje dhe po ashtu nuk kam qenë në dijeni për këtë kontratë. Kjo sepse nuk ka lidhje me Kryesinë e PD-së, është një marrëveshje midis kreut të Partisë Demokratike dhe Muzin.

Më pas Muzin ka bërë një deklarim të dytë ka bërë një shtesë duke thënë se ka marrë edhe 500 mijë dollarë nga PD.

Sepse ai i bën këto deklarime është problem i tij, mirëpo mund tju them që PD nuk ka pasur kurrë në arkën e saj një shumë të tillë parash. Unë nuk jam në dijeni.

Kështu Prokuroria ka nisur hetimet për pastrim parash dhe më pas falsifikim të dokumentit.

Unë nuk kam një asnjë lidhje me ketë dokument. As nuk e kam parë, dhe jo më pas të mund të kem firmosur apo vulosur në të, që të mund të akuzohem për falsifikim. Është diçka se, që të mund të akuzohesh për falsifikim duhet të paktën të kesh lidhje, ose të paktën ta kesh parë dokumetin. Kështu që si mund të akuzohem unë?

Funksioni im është funksion politik dhe unë nuk kam asnjë lidhje as me sektorin e financës?, është shprehur Ristani./CNA.al