web counter
LEXO PA REKLAMA!

SHKARKO APP

App Store
Google Play

U përball me Vettingun/ KPK jep vendimin për prokuroren e Krimeve të Rënda

25 Tetor 2019, 07:30, Vetingu CNA

Komisioni i Pavarur i Kualifikimit ka vendosur sot rikonfirmimin në detyre të prokurores së Krimeve të rënda, Sonila Muhametaj.

Në përfundim të këtij procesi të rivlerësimit, trupi gjykues i Komisionit të Pavarur të Kualifikimit, vendosi se Muhametaj është e përshtatshme për vijimin e detyrës.

Muhametaj u gjet pa probleme sa i përket kriterit të pastërtisë së figurës. Ndërkohë në kriterin e profesionalizmit, asaj iu vu në dukje se në dy nga pesë dosjet e shortuara, Këshilli i Lartë i Prokurorisë kishte raportuar për një rast shkelje afatesh proceduriale dhe në një rast tjetër mosnjoftimin e të pandehurit për akuzën.

Megjithatë, KPK i rrëzoi të dyja gjetjet e KLP-së. Sipas relatores, nga verifikimi i Komisionit rezultoi që vendimi i mosfillimit në një rast ishte marrë brenda afatit 30 ditor, ndërsa në rastin tjetër kishte një procesverbal të firmosur nga i pandehuri që ishte njohur me akuzën. Relatorja theksoi se përfundimet ishin arritur duke pasur në dorë të njëjtat dokumente, duke lënë të kuptohet se diçka nuk kishte funksionuar në vlerësimin e dosjeve të bërë nga KLP.

Relatorja vuri në dukje po ashtu edhe hetimin disiplinor të nisur nga Prokuroria e Përgjithshme sa i përket përplasjes në Prokurorinë e Krimeve të Rënda mbi shortimin e dosjes ?Shullazi?. KPK theksoi se procedimi disiplinor ishte pushuar nga Prokuoria e Përgjithshme për shkak të mungesës së kompetencave.

Çiftja bëri me dije se një sërë denoncimesh ndaj prokurores ishin gjetur të pabaza.





Lajmet e fundit nga