Top-i si marjonetë e Ramës dhe Vjollcës për fëlliqësira

16 Tetor 2019, 12:23, Politikë CNA

Top-i si marjonetë e Ramës dhe Vjollcës për

Një vëzhgim i thjeshtë dhe me një sy të vëmendshëm, me pak kujdes e kupton lehtësisht se “Top Channel”, Televizioni Kombëtar, është kthyer në një marionetë e kryeministrit Edi Rama dhe Vjollca Hoxhës, një nga aksioneret në minorancë për fëlliqësira.

Cilat mund të quhen fëlliqësira? Çfarë mund të përkufizojmë me këtë fjalë?

Pikërisht atë që pamë dje në “Top Channel”. Atë që dëgjuam dje në lajmet e këtij televizioni. Dje lajmet kishin një kronikë, për një gjyqtare. Për zonjën Mirela Fano, e cila kishte qënë anëtare e Gjykatës së Lartë dhe që ishte larguar nga detyra.

Kronika dukej sikur ishte diçka normale në kuadër të Reformës në Drejtësi dhe një sulm moral i Top-it, ndaj një gjyqtareje të larguar në lidhje me pasurinë e vënë apo bizneset e krijuara.

Në fakt, pas një hulumtimi të thjeshtë, mësuam se Mirela Fano ishte bashkëshortja e Neshat Fanës, një avokat i njohur në kryeqytet. Ky i fundit rezulton të jetë pjesë e disa proceseve gjyqësore përballë Vjollca Hoxhës. Pra, i sulmohet gruaja Neshat Fanës, sepse Vjollca e ka kundërshtar në gjyqe.

A nuk është kjo një fëlliqësi?!

Se të kishte moral sulmi ndaj Mirela Fanos, e cila kishte dhënë dorëheqjen është krejt normale. Por, diçka tjetër qëndronte pas.

Më tej, dje ka qënë edhe emisioni Top Story. E çfarë ndodhte me Top Story-n, pa “dashje” na doli prokurori Besim Hajdarmataj, i cili u sulmua jo pak në emision për çështjen e dosjes 184 në Dibër. Dhe në finale na doli se Edi Rama, Damian Gjiknuri e shpura e tyre ishin të pastër për vjedhjen e votave në Dibër. Një emision i tërë që të na tregonte se socialistët nuk kishin përgjegjësi, por ishin vetëm demokratët që kishin vjedhur vota. Ishte opozita që kishte bërë zullume.

E këtë na e tregoi si një fëlliqësirë tjetër politike, si një marionetë për Edi Ramën, Top Story dje, duke sulmuar dhe prokurorin Hajdarmataj si “pa dashje”, i cili sot kishte vendimin e Vettingut.

Këto janë dy argumentat që ne po sjellim për dy fëlliqësitë e djeshme. Se do të përpiqemi të sjellim çdo ditë. Edhe rastet kur sulmohen bizneset për qëllime të caktuara dhe më pas televizioni mbyll gojën pasi merr reklamat. Apo raste të tjera kur gjoja trajtohen raste sociale në televizion për interesa klienteliste dhe korruptive të bizneseve që e reklamojnë apo financojnë këtë televizion. E lojëra të shumta e të shumta si këto.

Prandaj nuk është shumë ti thuash fëlliqësirë dhe marionetë politike e përdorur keqazi për interesa të pista, si ajo që ne kemi konstatuar dje në emisionin Top Story, apo kronikat e ndryshme televizive që zhvillohen çdo ditë në këtë televizion./ CNA.al