web counter
LEXO PA REKLAMA!

SHKARKO APP

App Store
Google Play

"E shkuara e errët e kryebashkiakëve"/ Gazetari: Prokuroria "kopjon" PD-në

17 Shtator 2019, 21:14, Politikë CNA

“E shkuara e errët e kryebashkiakëve”, është tema e emisionit “Opinion” të mbrëmjes së sotme, në qendër të të cilës është diskutimi rreth dosjes së kryebashkiakut të Vorës Agim Kajmaku dhe vendimi më i fundit i Gjykatës greke të Janinës, lidhur me dënimin e mosdënimin e tij.

Ndër të ftuarit në panel është dhe gazetari i kronikës në TV “Klan”, Xhevahir Zhabina i cili tha se Prokuroria e Përgjithshme, sektori i dekriminalizimit nuk ka  më shumë të dhëna nga ato që ka publikuar PD, duke aluduar për nxjerrje informacioni nga ana e institucionit të hetimit.

Sipas tij, për të tre rastet e deritanishme, ka diçka të dyshimtë për mënyrën se si iu morën shenjat e gishtave kryebashkiakëve të akuzuar nga PD.

?Prokuroria e Përgjithshme nuk ka më shumë të dhëna se sa ka publikuar PD. Pak a shumë është ajo që ka publikuar PD. Prokuroria, është në pritje të letër porosive nga Greqia. Rasti i Kajmakut është më specifik. Rasti i adresës që është ngatërruar për njoftimin e marrjes. Mënyra e dhënies së shenjave të gishtave. Valdrin Pjetri për shembur është paraqitur vetë. Për rastin, Kajmaku Prokuroria i ka marrë nga kompania që nxjerr pasaportat. Prokuroria është justifikuar se i duheshin sa më shpejtë. Nuk di të jetë marrë në pyetje nga prokuroria, priten letër porositë?, tha gazetari Xhevahir Zhabina./CNA.al





Lajmet e fundit nga