E fundit!

12:36 Politikë

"Të thuash ke shpirtin e bukur, vetëm ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Shitet televizioni ABC News/ Kush qëndon pas shtetases greke e deklaruar si blerëse?

6 Shtator 2019, 12:49, Sociale CNA

Mediat dy ditët e fundit kanë raportuar privatizimin dhe ndryshimin e pronësisë së televizionit ABC News, nga një kompani me pronaren greke Efthymia Gkouma.

Pra ABC Newsi-i televizioni me titra i “Media 6” së TV Klanit dhe Aleksandër Frangajt nuk do të jetë më me këtë pronar, por ashtu siç raportuan mediat do të jetë në pronësi të një shtetaseje greke.

Në fakt e vërteta duket se është përtej kësaj që raportohet në media.

Disa kohë më parë u përfol për blerjen e ABC News-it nga Spitali Amerikan dhe administratori i saj Klodjan Allajbeu i njohur si një nga njerëzit e Fetllah Gylenit, rivalit të Presidentit Turk, Rexhep Taip Erdogan, në Shqipëri.

Allajbeu shpesh është përfolur dhe ka pasur emrin në listat e publikuara prej gylenistëve, gjithashtu është përfolur edhe për çështje të tjera që lidhen me shëndetësinë dhe shërbimet private PPP-të, ku është përfshirë në marrëdhënie me Qeverinë, të cilat shpesh janë denoncuar nga mediat dhe Opozita.

Por e vërteta e televizionit ABC News është se përtej një shtetasje greke qëndron Klodian Allajbeu, gjë që e ka konfirmuar edhe më parë.

Duket se gjithçka ka filluar pas një përplasje të fortë të Allajbeut me Ben Blushin, Drejtorin e Top Channel, me të cilin shpesh darkonte, hapi edhe një emision, por mesa duket marrëdhëniet e tyre financiare nuk ecën aq mbarë dhe bashkëpunimi përfundoi.

Ky nuk ëhstë rasti i parë që Allajbeu ka pasur probleme me mediat në Shqipëri. Të njëjtat përplasje ka pasur edhe me Carlo Bolinon, por edhe me shumë televizione të tjera apo media private online, të cilat ndoshta kërkojnë reklama, apo tentojnë ta shantazhojnë administratorin e Spitalit Amerikan.

Me sa duket Allajbeu ka gjetur zgjidhjen finale, ka bërë privatizimin e ABC News-it për të pasur një televizion të tij dhe për të lënë mënjanë shpenzimet që i vinin nga mediat apo presionet që ndoshta i ushtroheshin shpesh.

Dhe ka gjetur zgjidhjen klasike për të mos pasur një televizion në emrin e tij dhe për të mos krijuar shqetësime edhe për Qeverinë e cila duhet të jetë në siklet të madh në marrëdhënie me Presidentin turk, Rexhep Taip Erdogan për gylenistët që ndodhen në Shqipëri.

Zgjidhja është gjetur që ky televizion të privatizohet nga një shtetase greke dhe në fakt pronari i vërtetë pas saj ashtu siç CNA.al e ka konfirmuar është, Klodjan Allajbeu, administratori i Spitalit Amerikan.

Pra, gjithçka shkruhet në media këto ditë për një shtetase greke se e ka privatizuar, ato janë vetëm në letra sëbashku me emrin e personit që është vendosur në dokument. Por, pronari i vërtetë i ABC News-it është Klodjan Allajbeu, administratori i Spitalit Amerikan të Tiranës./CNA.al

Ekskluzive-Shitet ABC News/ Njihuni me pronarin e ri